സമകാലിക മലയാളം ഡെസ്ക്
ടി20 വനിതാ ലോകകപ്പ് പോരാട്ടത്തിലെ തങ്ങളുടെ ആദ്യ മത്സരത്തില്‍ വിജയം സ്വന്തമാക്കി പാകിസ്ഥാന്‍. ശ്രീലങ്കയെ അവര്‍ 31 റണ്‍സിനു വീഴ്ത്തി.
മത്സരത്തില്‍ പാക് ക്യാപ്റ്റന്‍ ഫാത്തിമ സനയുടെ ഓള്‍ റൗണ്ട് മികവാണ് നിര്‍ണായകമായത്.
ക്യാപ്റ്റനെന്ന നിലയില്‍ ആദ്യ ലോകകപ്പിനാണ് ഫാത്തിമ സന കളത്തിലെത്തിയത്.
ജയത്തോടെ ഒരു അപൂര്‍വ നേട്ടവും താരം സ്വന്തമാക്കി.
ഒരു ലോകകപ്പ് പോരാട്ടത്തില്‍ ജയം സ്വന്തമാക്കുന്ന ഏറ്റവും പ്രായം കുറഞ്ഞ ക്യാപ്റ്റനായി ഫാത്തിമ സന മാറി.
ഓസ്‌ട്രേലിയന്‍ താരം മെഗ് ലാന്നിങാണ് നേരത്തെ ഈ നേട്ടം ആദ്യം സ്വന്തമാക്കിയ താരം. മെഗ് 21ാം വയസില്‍ ക്യാപ്റ്റനായി ആദ്യ പോരാട്ടം വിജയിച്ചിരുന്നു.
മത്സരത്തില്‍ 20 പന്തില്‍ 30 റണ്‍സെടുത്ത ഫാത്തിമ സനയാണ് ടീമിന്റെ ടോപ് സ്‌കോറര്‍. താരം 10 റണ്‍സ് വഴങ്ങി 2 വിക്കറ്റും വീഴ്ത്തി.
പാക് വനിതാ ടീമിനായി 41 ഏകദിനങ്ങളും 44 ടി20 മത്സരങ്ങളുമാണ് ഫാത്തിമ സന ഇതുവരെ കളിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates