ചെടികൾ നന്നായി വളരും; ഈ വളങ്ങൾ ഉപയോ​ഗിക്കൂ

ശരിയായ രീതിയിൽ പരിചരണം നൽകിയാൽ മാത്രമേ ചെടികൾ നന്നായി വളരുകയുള്ളു.

ചെടികൾ ആരോഗ്യത്തോടെ വളരാൻ സഹായിക്കുന്ന കുറച്ച് വളങ്ങൾ നോക്കാം.

പഴത്തൊലി

പഴത്തൊലിയിൽ പൊട്ടാസ്യം, ഫോസ്ഫറസ് തുടങ്ങിയ പോഷകങ്ങൾ ധാരാളം അടങ്ങിയിട്ടുണ്ട്. പഴത്തൊലി വെള്ളത്തിൽ കുറച്ച് ദിവസം നനച്ചുവെച്ച ശേഷം ആ വെള്ളം ചെടികളിൽ ഒഴിച്ചാൽ വളർച്ച നല്ലതായി സഹായിക്കും.

കാപ്പിപ്പൊടി

കാപ്പിപ്പൊടിയിൽ നൈട്രജൻ അടങ്ങിയിട്ടുണ്ട്. ഇത് മണ്ണിന്റെ പോഷക മൂല്യം കൂട്ടുന്നു. ഇത് മണ്ണിൽ നേരിട്ടോ കമ്പോസ്റ്റിൽ ചേർത്തോ ഇടാവുന്നതാണ്. കാപ്പിപ്പൊടി ചെടികൾ നന്നായി വളരാൻ സഹായിക്കുന്നു.

മുട്ടത്തോട്

മുട്ടത്തോടിൽ കാൽസ്യം ധാരാളം അടങ്ങിയിട്ടുണ്ട്. ഇത് ചെടികളിൽ ഉണ്ടാകുന്ന രോഗങ്ങളെ തടയാൻ സഹായിക്കുന്നു. മുട്ടത്തോട് നന്നായി പൊടിച്ച് മണ്ണിൽ ചേർത്താൽ ചെടി ആരോഗ്യത്തോടെ വളരും

എപ്സം സാൾട്ട്

എപ്സം സാൾട്ടിൽ മഗ്നീഷ്യവും സൾഫറും അടങ്ങിയിട്ടുണ്ട്. ഇത് വെള്ളത്തിൽ കലർത്തി ചെടികൾക്ക് ഒഴിക്കാം. മാസത്തിൽ ഒരുതവണ ഒഴിച്ചാൽ മതി.

പച്ചക്കറി വെള്ളം

പച്ചക്കറികളിൽ ധാരാളം വിറ്റാമിനുകളും മിനറലുകളും അടങ്ങിയിട്ടുണ്ട്. പച്ചക്കറിയിട്ട വെള്ളം നന്നായി തിളപ്പിച്ചതിന് ശേഷം ചെടികളിൽ ഒഴിക്കാം. ഇതിൽ ധാരാളം പോഷക ഗുണങ്ങൾ ഉള്ളതുകൊണ്ട് തന്നെ ചെടികൾ നന്നായി വളരും.