അരോമ മണി സംവിധാനം ചെയ്ത ചിത്രങ്ങൾ

ഹിറ്റ് സിനിമകളുടെ നിർമ്മാതാവാണ് അന്തരിച്ച അരോമ മണി ( എം മണി). സിനിമാ നിർമ്മാണ, വിതരണ ജോലികൾക്കിടെ ഏഴു സിനിമകൾ സംവിധാനം ചെയ്യുകയും ചെയ്തു. മണി സംവിധാനം ചെയ്ത സിനിമകളിലൂടെ

1982 ൽ റിലീസ് ചെയ്ത 'ആ ദിവസം' ആണ് ആരോമ മണി സംവിധാനം ചെയ്ത ആദ്യ ചിത്രം. സുകുമാരൻ, ഭീമൻ രഘു, മമ്മൂട്ടി, മോഹൻലാൽ, ജഗതി ശ്രീകുമാർ, റാണി പദ്മിനി, സത്യകല, കുഞ്ചൻ തുടങ്ങിയവർ സിനിമയിൽ വേഷമിട്ടു.

'കുയിലിനെ തേടി'യാണ് അരോമ മണി സംവിധാനം ചെയ്ത രണ്ടാമത്തെ ചിത്രം. 1983 ൽ പുറത്തിറങ്ങിയി ഈ സിനിമയിൽ രോഹിണി, മാസ്റ്റർ രഘു, സുകുമാരി, മോഹൻലാൽ എന്നിവരാണ് പ്രധാന വേഷത്തിൽ.

1983 ൽ തന്നെ റിലീസ് ചെയ്ത 'എങ്ങനെ നീ മറക്കും' ആണ് മണി സംവിധാനം ചെയ്ത മൂന്നാമത്തെ ചിത്രം. പ്രിയദർശനാണ് രചന. ശങ്കർ, മേനക, മോഹൻലാൽ, ഭാ​ഗ്യശ്രീ എന്നിവർ അഭിനയിച്ചു

1984 റിലീസായ 'മുത്തോടു മുത്ത്' ആണ് നാലാമത്തെ ചിത്രം. ശങ്കർ, മേനക, സുകുമാരി, അടൂർ ഭാസി, എന്നിവരാണ് പ്രധാന വേഷത്തിൽ

'എന്റെ കളിത്തോഴൻ' എന്ന ചിത്രമാണ് മണിയുടെ അഞ്ചാമത്തെ സംവിധാന സംരംഭം. ശങ്കർ, സബിത ആനന്ദ്, അടൂർ ഭാസി, സുകുമാരി, കെ പി ഉമ്മർ എന്നിവരാണ് അഭിനയിക്കുന്നത്

1985 ൽ റിലീസ് ചെയ്ത സിനിമയാണ് 'ആനയ്ക്കൊരുമ്മ'. ബേബി ശാലിനി, എംജി സോമൻ, മേനക, രതീഷ്, ശങ്കരാടി, അടൂർഭാസി തുടങ്ങിയവരാണ് മുഖ്യ വേഷത്തിൽ

1985 ൽ തന്നെ റിലീസായ 'പച്ചവെളിച്ചം' ആണ് അരോമ മണി സംവിധാനം ചെയ്ത ഏഴാമത്തെ ചിത്രം. ശങ്കർ, മധു, ആശ, ശങ്കരാടി, അടൂർ ഭാസി തുടങ്ങിയവരാണ് പ്രധാന താരങ്ങൾ