സമകാലിക മലയാളം ഡെസ്ക്
പഴയ വാഹനങ്ങളുടെ ഫിറ്റ്നസ് ടെസ്റ്റ് ഫീസാണ് കേന്ദ്രം കുത്തനെ ഉയര്‍ത്തിയിരിക്കുന്നത്.
വാഹനങ്ങളുടെ ഫിറ്റ്നസ് ടെസ്റ്റിനുള്ള ഫീസ് നിരക്ക് നിലവിലുള്ളതിനേക്കാള്‍ പത്തിരട്ടിയായാണ് ഉയര്‍ത്തിയിരിക്കുന്നത്.
വാഹനങ്ങളുടെ കാലപ്പഴക്കത്തെ അടിസ്ഥാനപ്പെടുത്തി മൂന്ന് തരങ്ങളായി തിരിച്ചാണ് വാഹനങ്ങളുടെ ഫിറ്റ്നസ് ടെസ്റ്റ് ഫീസ് ഉയര്‍ത്തിയിരിക്കുന്നത്.
20 വര്‍ഷത്തിലേറെയുള്ള വാഹനങ്ങള്‍ക്കാണ് ഏറ്റവും കൂടുതല്‍ ഫീസ് ഈടാക്കുന്നത്
10 മുതല്‍ 15 വര്‍ഷം, 15 മുതല്‍ 20 വര്‍ഷം, 20 വര്‍ഷത്തിലേറെ പഴക്കമുള്ള വാഹനങ്ങള്‍ എന്നിങ്ങനെയാണ് മൂന്ന് കാറ്റഗറികള്‍.
മോട്ടോര്‍സൈക്കിള്‍, മൂന്ന് ചക്രവാഹനങ്ങള്‍, എല്‍എംവി, മീഡിയം- ഹെവി വാഹനങ്ങള്‍ എന്നിവയ്ക്കും പുതിയ ഭേദഗതി ബാധകമാകും.
15 വര്‍ഷം വരെ പഴക്കമുള്ള വാഹനങ്ങളുടെ ഫിറ്റ്നസ് ടെസ്റ്റില്‍ മോട്ടോര്‍സൈക്കിളിന് 400 രൂപയും മൂന്ന് ചക്രവാഹനങ്ങള്‍ക്കും എല്‍എംവിക്കും 600 രൂപയുമായിരിക്കും. മീഡിയം- ഹെവി വാഹനങ്ങള്‍ക്ക് 1000 രൂപയുമാണ് പുതുക്കിയ ഫിറ്റ്നസ് ടെസ്റ്റ് ഫീ.
15 മുതല്‍ 20 വര്‍ഷം വരെ പഴക്കമുള്ള വാഹനങ്ങളില്‍ മോട്ടോര്‍സൈക്കിളുകള്‍ക്ക് 500 രൂപയും മൂന്ന് ചക്രവാഹനങ്ങള്‍ക്ക് 1000 രൂപയും മീഡിയം വാഹനങ്ങള്‍ക്ക് 1300 രൂപയുമാണ് ഫീ ഈടാക്കുക. ഹെവി വാഹനങ്ങള്‍ക്ക് 1500 രൂപയുമാണ്
20 വര്‍ഷത്തിലേറെ പഴക്കമുള്ള വാഹനങ്ങളില്‍ മോട്ടോര്‍സൈക്കിളുകള്‍ക്ക് 1000 രൂപയും മൂന്ന് ചക്രവാഹനങ്ങള്‍ക്കും എല്‍എംവിക്കും 2000 രൂപയും മീഡിയം ചരക്കുവാഹനങ്ങള്‍ക്ക് 2600 രൂപയുമായിരിക്കും ഫിറ്റ്നസ് ടെസ്റ്റ് ഫീ. ഹെവി വാഹനങ്ങള്‍ക്ക് 3000 രൂപയും ഈടാക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates