വിഷുവിന് വിളമ്പാൻ അഞ്ച് വിഭവങ്ങൾ

മലയാളികളുടെ കാർഷിക പുതുവർഷമാണ് വിഷു. തൊടിയിൽ വിളയുന്ന പഴങ്ങളും പച്ചകറികളും കൊന്നപ്പൂക്കളുമൊക്കെ ഒരുക്കിവച്ചുള്ള വിഷുക്കണി കണ്ടാൽ വർഷം മുഴുവൻ സമൃദ്ധിയുണ്ടാകും എന്നു വിശ്വാസം.

വിഷുവിനു വിളമ്പാൻ 5 നാടൻ വിഭവങ്ങളുടെ രുചിക്കൂട്ട് പരിചയപ്പെടാം.

വിഷുക്കട്ട

തൃശൂരുകാരുടെ വിഷുദിനത്തിലെ മുഖ്യ ഇനമാണ് വിഷുക്കട്ട. മധുരമോ ഉപ്പോ ഇല്ലാത്ത വിഷുക്കട്ടയ്ക്കു ശർക്കരപ്പാനിയും മത്തനും പയറും ഉപയോഗിച്ചുള്ള കൂട്ടുകറിയും തൊട്ടുകൂട്ടാൻ ഉത്തമം.

വിഷുക്കഞ്ഞി

മധ്യകേരളത്തിലെ വിഷുവിഭവങ്ങളില്‍ പ്രധാനമാണ് വിഷുക്കഞ്ഞി. പച്ചരിയും വന്‍പയറും ശര്‍ക്കരയും ചേര്‍ത്താണ് വിഷു കഞ്ഞി ഒരുക്കുന്നത്. വിഷുദിനത്തില്‍ രാവിലെയാണ് ഇത് തയ്യാറാക്കുക. വിഷുക്കഞ്ഞിക്കൊപ്പം ചക്ക എരിശേരിയാണ് കോമ്പിനേഷൻ.

കണിയപ്പം

മലബാർ പ്രദേശങ്ങളിൽ വിഷുക്കണി ഒരുക്കുമ്പോൾ പ്രധാനമായും വയ്ക്കുന്ന ഒന്നാണ് കണിയപ്പം. ഉണ്ണിയപ്പത്തോട് ഏറെ സാമ്യമുള്ള പലഹാരമാണിത്. കണി വെച്ചതിനു ശേഷം കുട്ടികൾക്ക് വിതരണം ചെയ്യുന്നതു കൊണ്ടാണ് ഇതിന് കണിയപ്പം എന്ന പേരുവന്നത്.

പഴമാങ്ങാക്കറി

വിഷുവിന് ഒരുക്കുന്ന മറ്റൊരു പ്രധാന വിഭവമാണ് പഴമാങ്ങാക്കറി. മധുരമുള്ള മാമ്പഴമാണ് പഴമാങ്ങക്കറിക്കായി ഉപയോ​ഗിക്കുന്നത്.

നാടൻ ഇടിച്ചക്ക തോരൻ

ചക്ക സീസൺ ആയതു കൊണ്ട് തന്നെ, ഇടിച്ചക്ക വിഷുവിന് ഒരു പ്രധാന വിഭവമാണ്. വിഷുക്കഞ്ഞിക്കൊപ്പവും സദ്യക്കൊപ്പവും ഇടിച്ചക്ക തോരൻ വിളമ്പാറുണ്ട്.