ഇനി ചുണ്ടുകൾ വരണ്ടുകീറില്ല, അഞ്ചു വഴികൾ

ലിപ്സ്റ്റിക്കും ലിപ് ലൈനറുമെല്ലാം ഉപയോഗിക്കുന്ന ഇന്നത്തെ തലമുറയ്ക്ക് ചുണ്ടുവരണ്ടുണങ്ങുന്നത് വലിയൊരു പ്രശ്നമാണ്.

വിപണിയിലുള്ള ലിപ് ബാമുകളേക്കാള്‍ ഇതിനു നല്ലത് പ്രകൃതിദത്തമായ നമ്മുടെ വീടുകളില്‍ തന്നെയുള്ള വസ്തുക്കളാണ്

യാതൊരു വിധ പാര്‍ശ്വഫലങ്ങളും ഇല്ലാത്ത 5 ഒറ്റമൂലികളെ പരിചയപ്പെടാം

വെണ്ണ

വെണ്ണ ഒരല്‍പ്പമെടുത്ത് ചുണ്ടുകളില്‍ പുരട്ടി ഒരു മണിക്കൂറിനു ശേഷം കഴുകിക്കളയുക. ഇങ്ങനെ ഇടയ്ക്കിടയ്ക്കു ചെയ്യുന്നത് ചുണ്ടുകളുടെ മൃദുത്വം വര്‍ധിപ്പിക്കുകയും വരണ്ടുകീറുന്നത് ഒരു പരിധിവരെ തടയുകയും ചെയ്യുന്നു

റോസാപ്പൂവിതളുകൾ

കുറച്ചു റോസാപ്പൂവിതളുകൾ എടുത്ത് അല്‍പ്പം പാല്‍പ്പാടയില്‍ അരച്ച് ചുണ്ടില്‍ പുരട്ടുക. ആഴ്ചയില്‍ ഒരിക്കലെങ്കിലും ഇതൊന്നു ചെയ്തുനോക്കു. വിണ്ടുകീറല്‍ പമ്പ കടക്കുമെന്നതില്‍ സംശയമില്ല.

തേൻ

അല്‍പം തേനെടുത്ത് ചുണ്ടുകളിൽ പുരട്ടുന്നത് വരണ്ട ചുണ്ടുകളിൽ നിന്നും നിങ്ങൾക്ക് ആശ്വാസം നൽകും. നാരങ്ങനീരും തേനും കൂടി മിക്സ് ചെയ്ത് പുരട്ടുന്നതും ഈ പ്രശ്നത്തിനു മികച്ച പരിഹാരമാണ്

കറ്റാര്‍വാഴ

കുറച്ചു ജെല്ലെടുത്ത് ചുണ്ടില്‍ പുരട്ടി 5 മിനിറ്റു കഴിഞ്ഞ് കഴുകിക്കളയാം. ആഴ്ച്ചയില്‍ 2-3 വട്ടം ഇങ്ങനെ ചെയ്താല്‍ ഫലം നിശ്ചയം.

വെള്ളരിക്ക

വെള്ളരിക്കയുടെ നീര് പുരട്ടുന്നത് ചുണ്ടിനെ ബാധിക്കുന്ന എല്ലാ തരത്തിലുള്ള പ്രശ്നങ്ങള്‍ക്കും ഉത്തമപ്രതിവിധിയാണ്. ചുണ്ട് വിണ്ടുകീറല്‍, തൊലി പൊളിയല്‍, ഫംഗസ് തുടങ്ങിയവെല്ലാം വെള്ളരിക്കാ നീരിനാല്‍ നീക്കം ചെയ്യാം.