മുല്ലപ്പൂ, റോസ്, ലാവന്‍ഡര്‍.... അറിയാമോ ഇവയിലെ ഒളിഞ്ഞിരിക്കുന്ന സന്ദേശം

ഓരോ പൂക്കള്‍ക്കും ഓരോ അര്‍ഥങ്ങളാണ്. ഏതവസരത്തിലുമായിക്കോട്ടെ, പൂക്കള്‍ ഒരാള്‍ക്ക് നല്‍കുമ്പോള്‍ ഇതറിഞ്ഞിരിക്കണം. പൂക്കള്‍ നല്‍കുന്ന വ്യക്തി അതിന് പിന്നില്‍ ഒരു മനോഹരമായ സന്ദേശം മറച്ചു പിടിച്ചിട്ടുണ്ടോയെന്ന് അറിയാം.

മുല്ലപ്പൂ: സുഗന്ധം പോലെ തന്നെ മധുരമായ സ്‌നേഹത്തെ സൂചിപ്പിക്കുന്നു

ഓര്‍ക്കിഡ്: നിങ്ങള്‍ക്ക് അത്രമേല്‍ ഇഷ്ടമുള്ളയാള്‍ക്ക് നല്‍കാവുന്നതാണ്. സൗന്ദര്യത്തെ സൂചിപ്പിക്കുന്നവയാണ് ഇവ.

റോസ്: ഞാന്‍ നിന്നെ സ്‌നേഹിക്കുന്നു എന്ന് പറയാന്‍ ഏറ്റവും അനുയോജ്യമായത് എന്നും റോസ് തന്നെയാണ്. പ്രണയത്തെ സൂചിപ്പിക്കുന്ന ക്ലാസിക് ചോയ്‌സാണ് റോസ്

ഡാലിയ: ദുഃഖിതനായ ഒരു സുഹൃത്തുണ്ടോ? അവരുടെ ശക്തിയും സൗന്ദര്യവും ഓര്‍മിപ്പിക്കാന്‍ നിങ്ങള്‍ ആഗ്രഹിക്കുന്നുണ്ടോ? അങ്ങനെയുണ്ടെങ്കില്‍ ഡാലിയ നല്ലൊരു ഓപ്ഷനാണ്.

ഹൈഡ്രാഞ്ചിയ: ഹൈഡ്രാഞ്ചിയകള്‍ ക്ഷമാപണത്തിന്റെ പൂക്കളാണ്. അതിനാല്‍ നിങ്ങളുടെ പ്രണയിയെ എന്തെങ്കിലും വിഷ് ചെയ്യാന്‍ മറന്നാല്‍ പിന്നീട് നല്‍കാന്‍ നല്ലത് ഹൈഡ്രാഞ്ചിയയാണ്.

ഡെയ്‌സി: നിഷ്‌കളങ്കതയെ സൂചിപ്പിക്കുന്നതാണിവ. നവദമ്പതികള്‍ക്ക് അത് നല്‍കാന്‍ കഴിയുന്നവയാണിവ.

സൂര്യകാന്തി: ആരാധനയുടേയും ലോലമായ സ്‌നേഹത്തിന്റേയും പ്രതീകമാണ് സൂര്യകാന്തി.

ലാവെന്‍ഡര്‍: ഏറ്റവും സുഗന്ധമുള്ള പൂക്കളില്‍ ഒന്നായ ലാവെന്‍ഡര്‍ ഭക്തിയെ പ്രതിനിധീകരിക്കുന്നു.