സമകാലിക മലയാളം ഡെസ്ക്
മാനസിക സമ്മർദം എന്ന വാക്ക് ഒരിക്കലെങ്കിലും പറയാത്ത ആളുകള്‍ കുറവായിരിക്കും.
മാനസിക സമ്മർദം അനുഭവിക്കുന്നവര്‍ക്ക് മൈഗ്രെയ്ന്‍, ഉറക്കം നഷ്ടപ്പെടല്‍, ക്ഷീണം, തളര്‍ച്ച എന്നിവയൊക്ക സാധാരണമാണ്.
സ്ട്രസ് ഉള്ളപ്പോള്‍ ചില ആളുകൾക്ക് ആഹാരം കഴിക്കാന്‍ സാധിക്കാത്ത അവസ്ഥ ഉണ്ടാകും. എന്നാല്‍ മറ്റുചിലര്‍ സമ്മർദം വരുമ്പോള്‍ അതിനെ നേരിടുന്നത് ഭക്ഷണം കൂടുതല്‍ കഴിച്ചുകൊണ്ടായിരിക്കും.
ശരിയായ രീതിയില്‍ ചില ആഹാരപദാര്‍ഥങ്ങള്‍ കഴിച്ചാല്‍ മാനസിക സമ്മർദം നിയന്ത്രിക്കാന്‍ സാധിക്കും എന്നതാണ് വാസ്തവം.
മട്ട അരി, ഓട്‌സ്, മധുരക്കിഴങ്ങ് എന്നിങ്ങനെ കാര്‍ബ്‌സ് അടങ്ങിയ മുഴുവന്‍ ധാന്യങ്ങളും കിഴങ്ങും മിതമായ രീതിയില്‍ ഡയറ്റില്‍ ചേര്‍ത്താല്‍ രക്തത്തിലെ പഞ്ചസ്സാരയുടെ അളവ് ബാലന്‍സ് ചെയ്യുന്നതിന് സഹായിക്കുകയും ഇത് ശരീരത്തിലേയ്ക്ക് കൃത്യമായ അളവില്‍ ഊർജം എത്തിക്കാനും സ്‌ട്രെസ്സ് അതുപോലെ മൂഡ് സ്വിംഗ്‌സ് എന്നിവ കുറയ്ക്കാനും സഹായിക്കും.
അമിതമായി മാനസിക സമ്മർദം അനുഭവിക്കുന്നവര്‍ ഒമേഗ-3 ഫാറ്റി ആസിഡ്‌സ് അടങ്ങിയ അയല, മത്തി, സാല്‍മണ്‍ എന്നിവ അവരുടെ ഡയറ്റില്‍ ഉൾപ്പെടുത്തുക. ഇത് സ്‌ട്രെസ്സ് ഹോര്‍മോണ്‍ കുറയ്ക്കാനും മൂഡ് സ്വിംഗ്‌സ് കുറയ്ക്കാനും സഹായിക്കും.
ബദാം, വാള്‍നട്‌സ്, ഫ്‌ലാക്‌സീഡ്‌സ്, ചിയ സീഡ്‌സ് എന്നിവ ആഹാരത്തില്‍ ചേര്‍ക്കാവുന്നതാണ്. ഇതില്‍ നല്ല കൊഴുപ്പ്, നാരുകള്‍, മാഗ്നീഷ്യം എന്നിവയെല്ലാം അടങ്ങിയിരിക്കുന്നതിനാല്‍ ഞരമ്പുകളുടെ ആരോഗ്യം നിലനിര്‍ത്താനും മാനസിക സമ്മർദം കുറയ്ക്കാനും സഹായിക്കും.
ചീര, കാബേജ് എന്നിവയില്‍ അടങ്ങിയിരിക്കുന്ന മഗ്നീഷ്യം സ്‌ട്രെസ്സ് ഹോര്‍മോണ്‍ കുറയക്കാന്‍ സഹായിക്കുന്നതാണ്.
അവക്കാഡോ കഴിക്കുന്നതും നല്ലതാണ്. ഇതില്‍, പൊട്ടാസ്യം, വിറ്റമിന്‍ ബി എന്നിവ ഞരമ്പുകളുടെ ആരോഗ്യത്തിന് നല്ലതാണ്. ഇത് മാനസിക സമ്മർദം കുറയ്ക്കാന്‍ സഹായിക്കും.
ബെറീസ് കഴിക്കുന്നതും അതുപോലെ സിട്രസ് പഴങ്ങള്‍ കഴിക്കാവുന്നതാണ്. ഇതിലെ വിറ്റമിന്‍ സി, ആന്റിഓക്‌സിഡന്റ്‌സ് എന്നിവ മാനസിക സമ്മർദം കുറയ്ക്കുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates