സമകാലിക മലയാളം ഡെസ്ക്
സംസ്ഥാനത്ത് ഇക്കുറി നേരത്തെയാണ് മഴ. മഴക്കാലമെന്നാൽ പകർച്ചവ്യാധികളുടെ കാലം കൂടിയാണ്. പ്രതിരോധ ശേഷിയെ മെച്ചപ്പെടുത്തി, പകർച്ചവ്യാധികളെ തടയാൻ ഡയറ്റിലും വേണം ശ്രദ്ധ.
വിറ്റാമിൻ സി
ഓറഞ്ച്, നാരങ്ങ, കിവി, പേരയ്ക്ക പോലുള്ള വിറ്റാമിൻ സി അടങ്ങിയ പഴങ്ങൾ പ്രതിരോധശേഷി മെച്ചപ്പെടുത്താൻ ഏറെ സഹായകരമാണ്. മഴക്കാലത്ത് ഡയറ്റിൽ ഇവയെ ചേർക്കാം.
ഇഞ്ചിയും വെളുത്തുള്ളിയും
ഇഞ്ചിയും വെളുത്തുള്ളിയും ശരീരത്തിലെ ഇൻഫ്ലമേഷൻ കുറയ്ക്കാനും പ്രതിരോധശേഷി കൂട്ടാനും സഹായിക്കും.
മഞ്ഞൾ
മഞ്ഞളിലെ കുർക്കുമിൻ ശരീരത്തെ അണുബാധയിൽ നിന്ന് സംരക്ഷിക്കും.
സൂപ്പുകൾ
വെജിറ്റബിൾ സൂപ്പ്, ചിക്കൻ സൂപ്പ് എന്നിവ ശരീരം ചൂടായി നിലനിർത്തും. ഇത് പ്രതിരോധ ശേഷി മെച്ചപ്പെടുക്കാൻ സഹായിക്കും.
പ്രോബയോട്ടിക് ഭക്ഷണങ്ങൾ
തൈര്, മോര് പോലുള്ളവ പ്രോബയോട്ടിക് ഭക്ഷണങ്ങൾ ശരീരത്തിലെ പ്രതിരോധശേഷി മെച്ചപ്പെടുത്താൻ നമ്മെ ഏറെ സഹായിക്കും.
നട്ട്സും വിത്തുകളും
ബദാം, വാൻനട്ട്, മത്തങ്ങ വിത്തുകൾ എന്നിയിൽ അടങ്ങിയിരിക്കുന്ന സിങ്ക്, വിറ്റാമിൻ ഇ എന്നിവ പ്രതിരോധ ശേഷി വർധിപ്പിക്കാൻ പ്രധാനമാണ്.
ഇലക്കറികൾ
ചീര, മുരിങ്ങയില, ബ്രോക്കോളി എന്നിവ ആന്റിഓക്സിഡന്റുകൾ കൊണ്ട് സമ്പന്നമാണ്. ഇത് രോഗങ്ങളെ ചെറുക്കാൻ സഹായിക്കും.
ഹെർബൽ ടീ
തുളസി ചായ, ഇഞ്ചി ചായ പോലുള്ള ഹെർബൽ ചായ ശരീരം ചൂടായി നിർത്താനും പ്രതിരോധ ശേഷി മെച്ചപ്പെടുത്താനും സഹായിക്കും.
ഹൈഡ്രേഷൻ
മഴക്കാലമാണെന്ന് കരുതി വെള്ളം കുടി മുടക്കരുത്. ദിവസവും എട്ട് ഗ്ലാസ് വെള്ളം കുടിക്കാൻ ശ്രദ്ധിക്കണം.