പാൽ മാത്രമല്ല ഇവയും കാല്‍സ്യത്തിന്റെ മികച്ച ഉറവിടങ്ങളാണ്

നമ്മുടെ പല്ലിനും അസ്ഥികള്‍ക്കും ഹൃദയാരോഗ്യത്തിനും പേശികളുടെ പ്രവര്‍ത്തനത്തിനും ഒക്കെ പ്രധാനപ്പെട്ട ഘടകമാണ് കാത്സ്യം.

പാല് കുടിച്ചാല്‍ മാത്രമേ കാല്‍സ്യം ലഭിക്കു എന്നതായിരുന്നു നമ്മുടെയെല്ലാം വിശ്വാസം. എന്നാൽ പാലിനൊപ്പം തന്നെ അല്ലെങ്കില്‍ പാലിനേക്കാള്‍ അധികം കാല്‍സ്യം അടങ്ങിയ ചില ഭക്ഷണങ്ങളുണ്ട്.

അവ ഏതൊക്കെയെന്ന് നോക്കാം.

ഇലക്കറികള്‍

ഇലക്കറികളായ ചീര, പാലക്ക് എന്നിവയില്‍ ഒക്കെ ഒരുപാട് കാല്‍സ്യം അടങ്ങിയിട്ടുണ്ട്. ഒരു മനുഷ്യന് വേണ്ടതായ കാല്‍സ്യത്തിന്റെ അളവ് കൃത്യമാക്കാനും ഈ ഇലക്കറികള്‍ കഴിക്കുന്നത് സഹായിക്കും.

ബദാം

ബദാം ആരോഗ്യകരമായ പ്രോട്ടീനുകളാലും കൊഴുപ്പുകളാലും സമ്പന്നമാണ്. ഇത് മികച്ച ഒരു കാല്‍സ്യത്തിന്റെ ഉറവിടം കൂടിയാണ്. അരക്കപ്പ് ബദാമില്‍ പ്രതിദിനം ആവശ്യമായ കാല്‍സ്യം അടങ്ങിയിട്ടുണ്ടെന്നാണ് വിദഗ്ധര്‍ പറയുന്നത്.

എള്ള്

എള്ളിനും മനുഷ്യ ശരീരത്തിലെ കാല്‍സ്യത്തിന്റെ കാര്യത്തിലും ഒരു നിര്‍ണായക പങ്കു വഹിക്കാന്‍ കഴിയും. ഒരു ടേബിള്‍സ്പൂണ്‍ എള്ളില്‍ ആ ദിവസത്തേക്ക് ആവശ്യമായ ഏഴു മുതല്‍ 8 ശതമാനം കാല്‍സ്യം അടങ്ങിയിട്ടുണ്ട് എന്നാണ് പറയുന്നത്.

ചിയ സീഡ്

രണ്ട് ടേബിള്‍ സ്പൂണ്‍ ചിയ സീഡില്‍ ഒരു ദിവസത്തേക്ക് ആവശ്യമായ കാല്‍സ്യത്തിന്റെ ഇരുപത് ശതമാനം അടങ്ങിയിട്ടുണ്ട്. അതുകൊണ്ട് ചിയാസീഡ് ധാരാളമായി കഴിക്കുന്നതും നിങ്ങളുടെ കാല്‍സ്യത്തിന്റെ അളവ് കൂട്ടാന്‍ സഹായിക്കും.