ഇവ പാലിനൊപ്പം ചേർത്ത് കഴിക്കരുതേ...

കാൽസ്യം, വൈറ്റമിൻ ഡി, പ്രോട്ടീൻ തുടങ്ങിയ അവശ്യപോഷകങ്ങള്‍ മതിയായ അളവില്‍ അടങ്ങിയതു കൊണ്ടാണ് പാലിനെ സമ്പൂര്‍ണ്ണ പോഷകാഹാരം എന്ന് വിളിക്കുന്നത്.

എന്നാൽ ചില ആളുകളില്‍ പാല്‍ ദഹനസംബന്ധമായ അസ്വസ്ഥതകൾക്കും അലർജിക്കും ഇടയാക്കാറുണ്ട്.

ചില ഭക്ഷണസാധനങ്ങള്‍ പാലിനൊപ്പം കഴിക്കാതിരിക്കുന്നത് പാർശ്വഫലങ്ങളില്ലാതിരിക്കാന്‍ ഒരു പരിധി വരെ സഹായിക്കും.

സിട്രസ് പഴങ്ങൾ

സിട്രസ് പഴങ്ങളുടെ നീര് പാലുമായി ചേരുമ്പോൾ, പാല്‍ പിരിയും. ഇത് കുടിച്ചാല്‍ വയറിന് അസ്വസ്ഥത ഉണ്ടാക്കുകയും പാലിന്‍റെയും സിട്രസ് പഴങ്ങളുടെയും പോഷകമൂല്യം കുറയ്ക്കുകയും ചെയ്യും

കാർബണേറ്റഡ് പാനീയങ്ങൾ

ഈ പാനീയങ്ങളിലെ കാർബണ്‍ വയറിനുള്ളിൽ അധികമായി വാതകങ്ങള്‍ സൃഷ്ടിക്കുകയും ഇത് പാലുമായി ചേരുമ്പോൾ വയറു വീർക്കുന്നതിനും അസ്വസ്ഥതയ്ക്കും ഇടയാക്കുകയും ചെയ്യും.

എരിവുള്ള ഭക്ഷണങ്ങൾ

എരിവുള്ള ഭക്ഷണങ്ങൾ പാലിനൊപ്പം കഴിക്കുമ്പോൾ ദഹനപ്രശ്നങ്ങൾക്ക് കാരണമാകുകയും ആമാശയത്തിനുള്ളില്‍ ലാക്ടോസ് അസഹിഷ്ണുത അല്ലെങ്കിൽ പാൽ അലർജിയുടെ ലക്ഷണങ്ങൾ തീവ്രമാക്കുകയും ചെയ്യുന്നു.

കഫീൻ അടങ്ങിയ പാനീയങ്ങൾ

കഫീൻ, പാലുമായി ചേരുമ്പോള്‍ ആമാശയത്തിലെ ആസിഡ് ഉൽപാദനം വർദ്ധിപ്പിക്കുകയും ആസിഡ് റിഫ്ലക്സ് അല്ലെങ്കിൽ നെഞ്ചെരിച്ചിൽ ഉണ്ടാക്കുകയും ചെയ്യുന്നു.

ഉയർന്ന പഞ്ചസാരയുള്ള ഭക്ഷണങ്ങൾ

പഞ്ചസാരയുടെയും പാലുൽപ്പന്നങ്ങളുടെയും സംയോജനം രക്തത്തിലെ പഞ്ചസാരയുടെ അളവിൽ ദ്രുതഗതിയിലുള്ള ഏറ്റക്കുറച്ചിലുകൾക്ക് ഇടയാക്കും, ഇത് ദഹനസംബന്ധമായ അസ്വസ്ഥതകൾക്ക് ഇടയാക്കും.

മത്സ്യവും മാംസവും

പാലിന് ശരീരത്തെ തണുപ്പിക്കാനും മത്സ്യം, മാംസം മുതലായവയ്ക്ക് ശരീരം ചൂടാക്കാനുമുള്ള പ്രവണതയുണ്ട്. അതിനാൽ ഈ ഭക്ഷണങ്ങളുടെ സംയോജനം ശരീരത്തിൽ രാസ അസന്തുലിതാവസ്ഥ ഉണ്ടാക്കും.മാത്രമല്ല, ഇവ ഒരുമിച്ച് കഴിക്കുമ്പോള്‍ ശരീരത്തിന്‍റെ ദഹനവ്യവസ്ഥയെയും രോഗപ്രതിരോധ സംവിധാനത്തെയും പ്രതികൂലമായി ബാധിക്കും.