ഈ ഭക്ഷണങ്ങൾ പ്ലാസ്റ്റിക് പാത്രത്തിൽ സൂക്ഷിക്കരുത്

പാകം ചെയ്തതും അല്ലാത്തതുമായ ഭക്ഷണങ്ങളും പച്ചക്കറികളും പഴങ്ങളും നമ്മൾ പ്ലാസ്റ്റിക് പാത്രങ്ങളിൽ സൂക്ഷിക്കാറുണ്ട്.

പക്ഷെ എല്ലാത്തരം ഭക്ഷണ സാധനങ്ങളും പ്ലാസ്റ്റിക് പാത്രത്തിൽ സൂക്ഷിക്കാൻ സാധിക്കില്ല.

പ്ലാസ്റ്റിക് പാത്രത്തിൽ സൂക്ഷിക്കാൻ പാടില്ലാത്ത ഭക്ഷണ സാധനങ്ങൾ ഇവയാണ്.

വെളുത്തുള്ളി, സവാള, ഔഷധ സസ്യങ്ങൾ എന്നിവ പ്ലാസ്റ്റിക് പാത്രങ്ങളിൽ സൂക്ഷിക്കുന്നത് ഒഴിവാക്കണം. കാരണം ഇതിന്റെ ശക്തമായ ഗന്ധം പ്ലാസ്റ്റിക്കിൽ പറ്റിപ്പിടിക്കാൻ സാധ്യത കൂടുതലാണ്. ഭക്ഷണം മാറ്റിയാലും ഇതിന്റെ ഗന്ധം പോവുകയില്ല.

ഫ്രഷായ പഴവർഗ്ഗങ്ങൾ ഒരിക്കലും പ്ലാസ്റ്റിക് പാത്രങ്ങളിൽ സൂക്ഷിക്കരുത്. പ്രത്യേകിച്ചും സിട്രസ് പഴങ്ങളും ബെറീസും ഈർപ്പമേറ്റാൽ ഇവ പെട്ടന്ന് കേടായിപ്പോകുന്നു.

വേവിക്കാത്ത ഇറച്ചി പ്ലാസ്റ്റിക് പാത്രങ്ങളിൽ സൂക്ഷിക്കുന്നത് ഒഴിവാക്കണം. പ്ലാസ്റ്റിക് പാത്രങ്ങളിൽ എളുപ്പത്തിൽ അഴുക്കും അണുക്കളും പറ്റിപ്പിടിക്കുന്നു. അതിനാൽ തന്നെ ഇറച്ചി പെട്ടെന്ന് കേടുവരാൻ സാധ്യത കൂടുതലാണ്.

ചൂടുള്ള ഭക്ഷണങ്ങൾ പ്ലാസ്റ്റിക് പാത്രങ്ങളിൽ സൂക്ഷിക്കുന്നത് ഒഴിവാക്കണം. ചൂട് ഉണ്ടാകുമ്പോൾ പ്ലാസ്റ്റിക്കിലുള്ള രാസവസ്തുക്കൾ പുറന്തള്ളപ്പെടുകയും ഇത് ഭക്ഷണത്തിൽ കലരുകയും ചെയ്യുന്നു.