സമകാലിക മലയാളം ഡെസ്ക്
ആരോഗ്യമുള്ള ശരീരത്തിന് ബലമുള്ള എല്ലുകളും സന്ധികളും ആവശ്യമാണ്. കാല്‍സ്യത്തിന്‍റെയും വിറ്റാമിന്‍ ഡിയുടെയും പോരായ്മ എല്ലുകളെ ദുര്‍ബലമാക്കും.
കാൽസ്യം എല്ലുകളുടെയും പല്ലുകളുടെയും ഘടന മെച്ചപ്പെടുത്തുമ്പോള്‍ വിറ്റാമിൻ ഡി കാൽസ്യം ആഗിരണം ചെയ്യുന്നതിനും എല്ലുകളുടെ വളർച്ചയ്ക്കും സഹായിക്കുന്നു.
മീന്‍
കടല്‍ വിഭവമായ മത്തി, ചൂര പോലുള്ള മത്സ്യങ്ങളില്‍ വിറ്റാമിന്‍ ഡിയും കാല്‍സ്യവും അടങ്ങിയിട്ടുണ്ട്. മത്തി കഴിക്കുന്നത് ഓസ്റ്റിയോപൊറോസിസ് സാധ്യത കുറയ്ക്കാൻ സഹായിക്കും. കൂടാതെ ഇവയില്‍ ഒമേഗ-3 ഫാറ്റി ആസിഡും അടങ്ങിയിട്ടുണ്ട്.
ഇലക്കറികള്‍
ഇലക്കറികള്‍ ധാരാളം ഡയറ്റില്‍ ചേര്‍ക്കുന്നത് വിറ്റാമിന്‍ ഡിയും കാല്‍സ്യവും ഒരുപോലെ ശരീരത്തിന് ലഭ്യമാകാന്‍ സഹായിക്കും. ഇത് എല്ലുകളുടെ ബലം മെച്ചപ്പെടുത്തും.
തൈര്/പാല്‍
ഫോര്‍ട്ടിഫൈഡ് ചെയ്തു ലഭ്യമാകുന്ന പാലിലും തൈരിലും കാല്‍സ്യത്തിനൊപ്പം വിറ്റാമിന്‍ ഡിയും ലഭ്യമാകും. ഇത് എല്ലുകളുടെയും പല്ലുകളുടെയും ആരോഗ്യം മെച്ചപ്പെടുത്തും.
മുട്ട
വിറ്റാമിന്‍ ഡി അടങ്ങിയ സൂപ്പര്‍ ഫുഡ് ആണ് മുട്ട. മുട്ടയുടെ മഞ്ഞക്കരുവില്‍ ഏതാണ്ട് 40 ഐയു വിറ്റാമിന്‍ ഡി അടങ്ങിയിട്ടുണ്ട്.
ചീസ്
കാല്‍സ്യം ധാരാളം അടങ്ങിയ ചീസില്‍ ചെറിയ അളവില്‍ വിറ്റാമിന്‍ ഡിയും അടങ്ങിയിട്ടുണ്ട്. ഡയറ്റില്‍ ചീസ് അല്‍പം ചേര്‍ക്കുന്നത് എല്ലുകളുടെ ആരോഗ്യത്തിന് ഗുണം ചെയ്യും.
ഓറഞ്ച്
ഓറഞ്ച് നമ്മുടെ ശരീരത്തിന് ആവശ്യമായ വിറ്റാമിന്‍ ഡിയും കാല്‍സ്യവും ലഭ്യമാക്കും. ഇവയില്‍ അടങ്ങിയ അസ്‌കോര്‍ബിക് ആസിഡ് കാല്‍സ്യം ആഗിരണം സുഗമമാക്കും. ഓറഞ്ച് പതിവായി കഴിക്കുന്നത് ഓസ്റ്റിയോപൊറോസിസ് തടയാന്‍ സഹായിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates