ദഹനക്കേട് മാറാൻ ഇഞ്ചി ചായ, ആരോ​ഗ്യ ​ഗുണങ്ങൾ

സുഗന്ധവ്യഞ്ജനങ്ങളുടെ ലോകത്ത് ഇഞ്ചിക്ക് ഒരു പ്രധാന സ്ഥാനമുണ്ട്. രാവിലെ ചായ തിളപ്പിക്കുന്നതിനൊപ്പം അല്‍പം ഇഞ്ചി ചതച്ച് ചേര്‍ക്കുന്നത് നിരവധി ആരോഗ്യ പ്രശ്നങ്ങള്‍ പരിഹരിക്കാന്‍ സഹായിക്കും.

ശരീരഭാരം കുറയ്ക്കും

ഇഞ്ചി വിശപ്പിനെ നിയന്ത്രിക്കാൻ സാധിക്കും എന്ന് പറഞ്ഞാൽ വിശ്വസിക്കുമോ? ഇഞ്ചി ചായ രാവിലെ കുടിക്കുന്ന ഭക്ഷണ അമിതമായി കഴിക്കുന്നത് ഒഴിവാക്കാൻ സ​ഹായിക്കും. കൂടാതെ ഭക്ഷണ ആസക്തിയും കുറയ്ക്കും. ഇത് ആരോഗ്യകരമായ ഡയറ്റ് പിന്തുടരാനും ആരോഗ്യകരമായ ശരീരഭാരം നിലനിര്‍ത്താനും സഹായിക്കും.

രോ​ഗപ്രതിരോധ ശേഷി

ഇഞ്ചിക്ക് ആൻറി-ഇൻഫ്ലമേറ്ററി, ആന്റിഓക്‌സിഡന്റ് ഗുണങ്ങളുണ്ട്. ഇത് രോഗപ്രതിരോധ ശേഷി ശക്തിപ്പെടുത്താൻ സഹായിക്കുന്നു. ശരീരത്തെ ബാക്ടീരിയ, വൈറൽ അണുബാധകളിൽ നിന്ന് ഇത് സംരക്ഷിക്കും. അതിനാല്‍ പതിവായി ഇഞ്ചി ചായ ഡയറ്റില്‍ ഉള്‍പ്പെടുത്തുന്നത് നല്ലതാണ്.

ദഹനക്കേട്

ദഹനക്കേട് കാരണം ഉണ്ടാകുന്ന വയറുവേദന, ഓക്കാനം, ഛര്‍ദ്ദി, വയറിളക്കം, ക്ഷീണം, ഗ്യാസ് എന്നിവ മാറാനുള്ള മികച്ച പ്രതിവിധിയാണ് ഇഞ്ചി ചായ. ഇഞ്ചിയിലെ ആന്റി-ഇൻഫ്ലമേറ്ററി ഗുണങ്ങൾ ദഹനപ്രശ്‌നങ്ങൾ ലഘൂകരിക്കാന്‍‌ സഹായിക്കും.

രക്തത്തിലെ പഞ്ചസാരയുടെ അളവു

ഇഞ്ചി രക്തത്തിലെ പഞ്ചസാരയുടെ അളവ് കുറയ്ക്കുന്നതായി കണ്ടെത്തിയിട്ടുണ്ട്. അതിനാല്‍ ഇഞ്ചി ചായ പതിവായി കഴിക്കുന്നത് പ്രമേഹമുള്ളവരിൽ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും.

തലച്ചോറിന്റെ ആരോ​ഗ്യം

ഇഞ്ചിയിലെ ആന്റിഓക്‌സിഡന്റുകൾ തലച്ചോറിന്‍റെ ആരോ​ഗ്യകരമായ പ്രവർത്തനത്തിന് നല്ലതാണ്.

രക്തസമ്മർദം

രക്തസമ്മർദം കുറയ്ക്കാനും കൊളസ്ട്രോളിന്റെ അളവ് മെച്ചപ്പെടുത്താനും ഇഞ്ചി ചായ സഹായിക്കും. ഹൃദയത്തിന്‍റെ ആരോഗ്യത്തെയും ഇവ സംരക്ഷിക്കും.

ശരീരവീക്കം

ശരീരവീക്കം കുറയ്ക്കാൻ മികച്ചതാണ് ഇഞ്ചി ചായ. ഇഞ്ചിയുടെ ആന്റി-ഇൻഫ്ലമേറ്ററി ​ഗുണങ്ങൾ ശരീരത്തിലെ മറ്റ് വേദനകളിൽ നിന്നും വീക്കത്തിൽ നിന്നുമെല്ലാം ദീർഘകാല അടിസ്ഥാനത്തിൽ ആശ്വാസം നൽകാൻ സഹായിക്കും.