വെറും ബ്രേക്ക്ഫാസ്റ്റ് അല്ല, നല്ല ഹെൽത്തി ബ്രേക്ക്ഫാസ്റ്റ് കഴിക്കാം

ഒരു ദിവസത്തിന്റെ ഏറ്റവും പ്രധാനപ്പെട്ട ഭക്ഷണമാണ് പ്രഭാതഭക്ഷണം.

രാത്രിയിലെ നീണ്ട ഇടവേളയ്ക്ക് ശേഷം ശരീരത്തിന് ഊർജ്ജവും പോഷകങ്ങളും നൽകുന്നതായിരിക്കണം രാവിലെ കഴിക്കുന്ന ഭക്ഷണം.

ശരിയായ പ്രഭാതഭക്ഷണം തിരഞ്ഞെടുക്കുന്നത് ശരീരഭാരം നിയന്ത്രിക്കാനും ദഹനം മെച്ചപ്പെടുത്താനും ഹൃദയാരോ​ഗ്യം സംരക്ഷിതക്കാനും സഹായിക്കും.

പുട്ട്

അരി പൊടിയും തേങ്ങയും ഉപയോഗിച്ച് തയ്യാറാക്കുന്ന പുട്ട് ഫൈബർ സമ്പുഷ്ടമാണ്.പുട്ടിനെ കൂടുതൽ ആരോഗ്യകരമാക്കാൻ റാഗി പുട്ട് അല്ലെങ്കിൽ ഗോതമ്പ് പുട്ട് പരീക്ഷിക്കാവുന്നതാണ്. അതുപോലെ, കടല കറി, പയർ കറി പോലുള്ളവയ്ക്കൊപ്പം പുട്ട് കഴിക്കുന്നത് കൂടുതൽ ആരോഗ്യകരമാണ്.

ആരോഗ്യ ഗുണങ്ങൾ

ദഹനം മെച്ചപ്പെടുത്താനും വിശപ്പ് നിയന്ത്രിക്കാൻ സഹായിക്കുന്നു. ഊർജം നൽകാനും പുട്ട് സഹായിക്കും.

ഇഡ്ഡലി

അരിയും ഉഴുന്നും ചേർത്ത് അരച്ച മാവ് പുളിപ്പിച്ച് തയ്യാറാക്കുന്നതാണ് ഇഡ്ഡലി. ലഘുവും ദഹിക്കാൻ എളുപ്പവുമുള്ള ഭക്ഷണമാണിത്.സാംബാർ, തേങ്ങാ ചമ്മന്തി എന്നിവ ചേർത്ത് ഇഡ്ഡലി കഴിക്കാം.

ആരോഗ്യ ഗുണങ്ങൾ

കൊഴുപ്പ് കുറഞ്ഞതും ദഹിക്കാൻ വളരെ എളുപ്പവുമായ ബ്രേക്ക്ഫാസ്റ്റാണ് ഇഡ്ഡലി. പ്രോബയോട്ടിക് ഗുണങ്ങൾ ധാരാളം ഇതിൽ അടങ്ങിയിട്ടുണ്ട്.

അപ്പം

അപ്പം വളരെ സോഫ്റ്റും പോഷക സമ്പുഷ്ടവുമാണ്. മാത്രമല്ല, കാർബോഹൈഡ്രേറ്റും ചെറിയ അളവിൽ പ്രോട്ടീനും നൽകുന്നു.വെജിറ്റബിൾ സ്റ്റ്യൂ, മുട്ട കറി എന്നിവയ്ക്കൊപ്പം അപ്പം കഴിക്കുന്നത് കൂടുതൽ ആരോഗ്യകരമാണ്.

ആരോഗ്യ ഗുണങ്ങൾ

ദഹിക്കാൻ എളുപ്പവും ഊർജവും നൽകുന്നതുമായ വിഭവാണ് ഇഡ്ഡലി.

ഓട്സ്

ഒരു ഫാസ്റ്റ് ആൻ്റ് ഹെൽത്തി ബ്രേക്ക്ഫാസ്റ്റാണ് ഓട്സ്. ഓട്സ് ഉപയോഗിച്ച് പല റെസിപ്പി ട്രൈ ചെയ്യാവുന്നതാണ്.

ആരോഗ്യ ഗുണങ്ങൾ

കൊളസ്ട്രോൾ കുറയ്ക്കാൻ സഹായിക്കുന്നു.ഭക്ഷ്യനാരുകൾ ധാരാളമുണ്ട്.

മില്ലറ്റ് വിഭവങ്ങൾ

ഇന്ന് ഏറ്റവും കൂടുതൽ ട്രെൻഡിങ്ങിൽ നിൽക്കുന്ന ഭക്ഷണമാണ് മില്ലറ്റ് വിഭവങ്ങൾ. ഡയബറ്റിക് ഫ്രണ്ട്ലി ഓപ്ഷൻ കൂടിയാണിത്.

ആരോഗ്യ ഗുണങ്ങൾ

ലോ ഗ്ലൈസെമിക് ഇൻഡക്സ് – പ്രമേഹ നിയന്ത്രണത്തിന് നല്ലതാണ്. പ്രോട്ടീൻ, ഫൈബർ എന്നിവ ധാരാളം അടങ്ങിയിട്ടുണ്ട്.