'മോശം കാലത്തിന് ഗുഡ്‌ബൈ': പാരിസില്‍ സ്വര്‍ണത്തോടെ സിമോണ്‍ ബൈല്‍സിന്റെ തിരിച്ച് വരവ്

ആര്‍ട്ടിസ്റ്റിക്‌സ് ജിംനാസ്റ്റിക്‌സ് വനിതകളുടെ ടീം ഇനത്തില്‍ സിമോണ്‍ ബൈല്‍സിന്റെ തകര്‍പ്പന്‍ പ്രകടനത്തിന്റെ കരുത്തില്‍ അമേരിക്കക്ക് സ്വര്‍ണം.

ഇതോടെ ജിംനാസ്റ്റിക്‌സില്‍ സിമോണിന്റെ സ്വര്‍ണം അഞ്ചായി.

ജിംനാസ്റ്റിക്‌സില്‍ ഏറ്റവും കൂടുതല്‍ മെഡല്‍ നേടുന്ന അമേരിക്കന്‍ താരം എന്ന റെക്കോര്‍ഡ് സ്വന്തം

ഫൈനലില്‍ അതി സങ്കീര്‍ണമായ 'ചെങ് സ്‌കില്‍' പുറത്തെടുത്ത സിമോണ്‍ ബൈല്‍സ് കാണികളെ അതിശയിപ്പിച്ചു.

കഴിഞ്ഞ ഒളിംപിക്‌സിലെ സഹതാരം മൈകെയ്‌ലയും ഇത്തവണ സിമോണിനൊപ്പം ഉണ്ടായിരുന്നു.

1992 ലെയും 1996ലെയും ഒളിംപിക്‌സുകളിലായി ഏഴു മെഡലുകള്‍ നേടിയ ഷാനന്‍ മില്ലറെയാണ് ബൈല്‍സ് മറി കടന്നത്.

നാളെ നടക്കുന്ന വ്യക്തിഗത മത്സരമാണ് സിമോണിന്റെ അടുത്ത ലക്ഷ്യം. ടോക്യോ ഒളിംപിക്‌സില്‍ സ്വര്‍ണം നേടിയ ലീ ആയിരിക്കും പ്രധാന എതിരാളി.

2016 റിയോ ഒളിംപിക്‌സ് ജിംനാസ്റ്റിക്‌സില്‍ നാല് സ്വര്‍ണം നേടി ചരിത്രം കുറിച്ച സിമോണ്‍ ബൈല്‍സ് കടുത്ത വിഷാദത്തെത്തുടര്‍ന്ന് ടോക്യോയിലെ മത്സരത്തില്‍ നിന്നും പിന്‍മാറുകയായിരുന്നു.