ആരോ​ഗ്യ ​ഗുണങ്ങൾ അറിഞ്ഞ് ബദാം പാൽ കുടിക്കാം

വിറ്റാമിൻ ഇ,കാൽസ്യം, വിറ്റാമിൻ ഡി എന്നിവയുടെ നല്ല ഉറവിടമാണ് ബദാംപാൽ.

കോശങ്ങളെ കേടുപാടുകളിൽ നിന്ന് സംരക്ഷിക്കാൻ സഹായിക്കുന്ന ശക്തമായ ആന്റിഓക്സിഡന്റ് ആണിത്. കൂടാതെ ചർമ്മത്തിന്റെ ആരോഗ്യത്തിനും രോഗപ്രതിരോധശേഷിയും ഇത് വർധിപ്പിക്കും.

ബദാംപാൽ കുടിക്കുന്നത് കൊണ്ടുള്ള ആരോഗ്യ ഗുണങ്ങൾ എന്ന് നോക്കാം.

ബദാം പാലിലെ മോണോ സാച്ചുറേറ്റഡ് ഫാറ്റി ആസിഡുകൾ കൊളസ്ട്രോൾ കുറയ്ക്കാൻ സഹായിക്കും. അതുവഴി ഹൃദ്രോഗസാധ്യതയും കുറയും.

ബലമുള്ള അസ്ഥികൾ നിലനിർത്തുന്നതിന് ആവശ്യമായ പോഷകങ്ങളായ കാൽസ്യം വിറ്റാമിൻ ബി എന്നിവ ഫോർട്ടിഫൈഡ് ബദാംപാലിൽ അടങ്ങിയിട്ടുണ്ട്.

പശുവിൻ പാലിനെ അപേക്ഷിച്ച് ബദാം പാലിൽ സാധാരണയായി കലോറിയും കാർബോഹൈഡ്രേറ്റും കുറവാണ്. ഇത് ശരീരഭാരം നിയന്ത്രിക്കുന്നതിനും സഹായിക്കും.

ബദാം പാൽ സ്വാഭാവികമായും ലാക്ടോസ് രഹിതമാണ്. അതിനാൽ ലാക്ടോസ് അസഹിഷ്ണുത ഉള്ളവർക്ക് അനുയോജ്യമായ ഒരു ബദലാണ് ബദാം പാൽ.

മധുരമില്ലാത്ത ബദാം പാൽ രക്തത്തിലെ പഞ്ചസാരയുടെ അളവ് കാര്യമായി വർദ്ധിപ്പിക്കുന്നില്ല.അതിനാൽ പ്രമേഹമുള്ളവർക്കും ഇത് നല്ലൊരു ഓപ്ഷൻ ആണ്.