കറുത്ത പൊന്നിന്റെ അതിശയിപ്പിക്കുന്ന ആരോഗ്യ ​ഗുണങ്ങൾ

ഭക്ഷണത്തിന് രുചി കൂട്ടുന്നതിനൊപ്പം നിരവധി ആരോഗ്യ​ഗുണങ്ങൾ അടങ്ങിയതാണ് കുരുമുളക്.

പതിവായി കുരുമുളക് ഭക്ഷണത്തിൽ ഉൾപ്പെടുത്തുന്നത് ശൈത്യകാലത്ത് വളരെ സാധാരണമായ ചുമയും ജലദോഷവും ഒഴിവാക്കാൻ ഒരു മികച്ച മാർഗമാണ്.

കുരുമുളകിന്റെ ചില ആരോ​ഗ്യ​ഗുണങ്ങളെ കുറിച്ച് അറിയാം.

കുരുമുളകിലെ സജീവ സംയുക്തമായ പൈപ്പറിൻ, ദഹന എൻസൈമുകളുടെ ഉത്പാദനത്തെ ഉത്തേജിപ്പിക്കുന്നു. ഇത് മൊത്തത്തിലുള്ള ദഹനം മെച്ചപ്പെടുത്തുകയും വയറു വീർക്കൽ, ഗ്യാസ് പോലുള്ള പ്രശ്നങ്ങൾ തടയാൻ സഹായിക്കുകയും ചെയ്യും.

കുരുമുളക് ഭക്ഷണത്തിൽ ഉൾപ്പെടുത്തുന്നത് ശ്വസന പ്രശ്നങ്ങൾ ഒഴിവാക്കാനും സഹായിക്കും. ശ്വാസനാരോ​ഗ്യത്തിന് ഇത് സഹായകമാണ്. കുരുമുളക് മാനസികാരോ​ഗ്യത്തിന് സഹായിക്കും. വിഷാദം, ഉത്കണ്ഠ എന്നിവയുടെ ലക്ഷണങ്ങൾ കുറയ്ക്കാൻ ഇത് സഹായിച്ചേക്കാം.

കുരുമുളകിലെ പൈപ്പറിൻ പല തരത്തിലുള്ള ക്യാൻസറിനെതിരെ സംരക്ഷണ പ്രവർത്തനം നടത്തുന്നുവെന്ന് പഠനങ്ങൾ തെളിയിച്ചിട്ടുണ്ട്. കുടലിലെ സെലിനിയം, കുർക്കുമിൻ, ബീറ്റാ കരോട്ടിൻ, ബി വിറ്റാമിനുകൾ തുടങ്ങിയ മറ്റ് പോഷകങ്ങളുടെ ആഗിരണവും പൈപ്പറിൻ വർദ്ധിപ്പിക്കുന്നു.

കുരുമുളകിലെ സജീവ സംയുക്തമായ പൈപ്പറിൻ വയറുവേദന, ഗ്യാസ് തുടങ്ങിയ പ്രശ്നങ്ങൾ കുറയ്ക്കുന്നതിലൂടെയും ദഹനത്തെ ഗണ്യമായി സഹായിക്കുന്നു.

കുരുമുളകിലെ സജീവ സംയുക്തമായ പൈപ്പറിൻ, "മോശം" എൽഡിഎൽ കൊളസ്ട്രോൾ കുറയ്ക്കുന്നതിലൂടെയും, "നല്ല" എച്ച്ഡിഎൽ കൊളസ്ട്രോൾ വർദ്ധിപ്പിക്കുന്നതിലൂടെയും, ധമനികളിൽ കൊഴുപ്പ് അടിഞ്ഞുകൂടുന്നത് തടയുന്നതിലൂടെയും കൊളസ്ട്രോൾ നിയന്ത്രിക്കാൻ സഹായിക്കും