ബ്രേക്ക്ഫാസ്റ്റിന് ഒരു വാഴപ്പഴം കഴിച്ചാൽ എന്ത് സംഭവിക്കും?

രാവിലെ പഴം കഴിയ്ക്കുന്നത് ഏറെ നല്ലതാണ്.

ബ്രേക്ക്ഫാസ്റ്റായി ഒരു പഴം കഴിയ്ക്കുന്നത് കൊണ്ടുള്ള ഗുണങ്ങളെക്കുറിച്ചറിയാം.

വാഴപ്പഴത്തിൽ അടങ്ങിയ കാർബോഹൈഡ്രേറ്റുകളും, ബി വിറ്റാമിനുകളും ശരീരത്തിന് ഊർജ്ജം നൽകാൻ സഹായിക്കുന്നു. പഞ്ചസാരയുടെ അളവ് അധികമില്ലാത്തതിനാൽ ഊർജ്ജം പെട്ടെന്ന് നഷ്ടപ്പെടുന്ന അവസ്ഥ ഒഴിവാക്കുന്നു.

ദഹനത്തിന് സഹായിക്കുന്ന ഫൈബർ വാഴപ്പഴത്തിൽ ധാരാളമായി അടങ്ങിയിട്ടുണ്ട്. ഇത് കുടലിന്റെ ആരോഗ്യം മെച്ചപ്പെടുത്തുകയും ദഹന പ്രക്രിയ സുഗമമാക്കുകയും ചെയ്യുന്നു.

വാഴപ്പഴത്തിൽ പ്രീബയോട്ടിക്സ് അടങ്ങിയിട്ടുണ്ട്, ഇത് നല്ല ബാക്ടീരിയകളുടെ വളർച്ചയെ സഹായിക്കുന്നു.

വാഴപ്പഴത്തിൽ ധാരാളമായി പൊട്ടാസ്യം അടങ്ങിയിട്ടുണ്ട്. ഇത് രക്തത്തിലെ സോഡിയത്തിന്റെ അളവ് കുറയ്ക്കുകയും രക്തക്കുഴലുകളെ വികസിപ്പിക്കുകയും ചെയ്യുന്നു. പൊട്ടാസ്യം രക്തസമ്മർദ്ദം നിയന്ത്രിക്കാനും പേശികളുടെ പ്രശ്നങ്ങൾ പരിഹരിക്കാനും സഹായിക്കുന്നു.

സന്തോഷകരമായ ഹോർമോണുകളായ സെറോടോണിൻ, ഡോപാമൈൻ എന്നിവയുടെ ഉത്പാദനത്തിന് സഹായിക്കുന്ന വിറ്റാമിൻ ബി6, ട്രിപ്റ്റോഫാൻ എന്നിവ വാഴപ്പഴത്തിൽ അടങ്ങിയിട്ടുണ്ട്. ഇത് മാനസികാവസ്ഥ മെച്ചപ്പെടുത്താൻ സഹായിക്കുന്നു.

വിറ്റാമിൻ സി, മാംഗനീസ്, ആന്റിഓക്‌സിഡന്റുകൾ എന്നിവ ധാരാളമായി അടങ്ങിയ വാഴപ്പഴം ശരീരത്തിന്റെ പ്രതിരോധശേഷി വർദ്ധിപ്പിക്കുന്നു.

വ്യായാമം ചെയ്യുന്നവർക്ക് വാഴപ്പഴം കഴിക്കുന്നത് വളരെ നല്ലതാണ്. ഇതിലടങ്ങിയ പൊട്ടാസ്യം, മഗ്നീഷ്യം തുടങ്ങിയ ഇലക്ട്രോലൈറ്റുകൾ പേശിവേദന കുറയ്ക്കുകയും ശരീരത്തിന് ആവശ്യമായ ഊർജ്ജം നൽകുകയും ചെയ്യുന്നു.