വെറും കാപ്പിയല്ല, ‘നെയ്യ് കാപ്പി’ കുടിക്കൂ; ആരോ​ഗ്യ ​ഗുണങ്ങൾ ഏറെ

കാപ്പിയിൽ അൽപം നെയ്യ് ചേർത്ത് കുടിക്കുന്നത് ആരോഗ്യത്തിന് നൽകുന്ന ഗുണങ്ങൾ ഏറെയാണ്.

ആരോഗ്യകരമായ കൊഴുപ്പുകളുടെ, പ്രത്യേകിച്ച് ദീർഘകാല ഊർജ്ജം നിലനിർത്താൻ സഹായിക്കുന്ന ബ്യൂട്ടറേറ്റിന്റെ സമ്പന്നമായ ഉറവിടമാണ് നെയ്യ്.

നെയ്യ് കാപ്പി കുടിക്കുന്നതിന്റെ ആരോ​ഗ്യ ​ഗുണങ്ങൾ നോക്കാം.

ഊർജ്ജം വർധിപ്പിക്കുന്നു

കാപ്പിയിൽ കാണപ്പെടുന്ന മീഡിയം-ചെയിൻ ട്രൈഗ്ലിസറൈഡുകൾ മെറ്റബോളിസം വർദ്ധിപ്പിക്കുന്നു. ഇത് കൊഴുപ്പ് കുറയ്ക്കുന്ന പ്രക്രിയ മെച്ചപ്പെടുത്തുകയും ശരീരഭാരം നിയന്ത്രിക്കാൻ സഹായിക്കുകയും ചെയ്യും. ദീർഘനേരം ഊർജ്ജം നിലനിർത്താൻ ഇത് ഉത്തമമാണ്.

ദഹന ആരോഗ്യം

ദഹനപ്രക്രിയയെ പിന്തുണയ്ക്കുന്ന ഷോർട്ട്-ചെയിൻ ഫാറ്റി ആസിഡായ ബ്യൂട്ടൈറേറ്റ് നെയ്യിൽ ധാരാളമുണ്ട്. ഇത് കുടലിന്റെ ആവരണത്തിന്റെ ആരോഗ്യം നിലനിർത്താനും കുടലിൽ ഗുണകരമായ ബാക്ടീരിയകളുടെ വളർച്ചയെ പിന്തുണയ്ക്കാനും സഹായിക്കും.

വിശപ്പ് നിയന്ത്രിക്കും

നെയ്യ് ചേർത്ത് കാപ്പി കുടിക്കുന്നത് വിശപ്പും മറ്റ് ഭക്ഷണങ്ങളോടുള്ള ആസക്തിയും കുറയ്ക്കാൻ സഹായിക്കും. ഇത് അനാവശ്യമായി ഭക്ഷണം കഴിക്കുന്നത് ഒഴിവാക്കി ശരീരഭാരം കുറയ്ക്കാൻ സഹായകമാകും.

മലബന്ധം അകറ്റുന്നു

ചൂടുള്ള കാപ്പിയിൽ 1-2 ടീസ്പൂൺ നെയ്യ് ചേർക്കുന്നത് മലബന്ധം അകറ്റി മലവിസർജ്ജനം മെച്ചപ്പെടുത്തും. മലബന്ധമുള്ളവർക്ക് രാത്രി കിടക്കുന്നതിന് മുമ്പ് ഒരു ടേബിൾ സ്പൂൺ നെയ്യ് കഴിക്കുന്നതും ഫലം ചെയ്യും.

അവശ്യ പോഷകങ്ങൾ

വിറ്റാമിനുകളായ എ, ഡി, ഇ, കെ തുടങ്ങിയ കൊഴുപ്പിൽ ലയിക്കുന്ന അവശ്യ പോഷകങ്ങളും ആന്റിഓക്‌സിഡന്റുകളും നെയ്യിൽ അടങ്ങിയിട്ടുണ്ട്. വിറ്റാമിൻ എ കണ്ണിന്റെ ആരോഗ്യം മെച്ചപ്പെടുത്താൻ സഹായിക്കും. കൂടാതെ, ശരീരത്തിലെ നല്ല കൊളസ്ട്രോളിന്റെ അളവ് വർദ്ധിപ്പിക്കാനും നെയ്യിന് കഴിയും.