ഒറ്റ ചേരുവ മതി, കാപ്പിയെ ഹെൽത്തി ഡ്രിങ്ക് ആക്കാം

കഴിക്കേണ്ട അളവിലും പാകത്തിലും കഴിച്ചാൽ ആരോഗ്യകരമായ ഒരു പാനീയമാണ് കാപ്പി.

പ്രഭാതങ്ങളിൽ ഒരു കാപ്പി കുടിക്കുന്നന്നത് ഊർജ്ജവും ഉന്മേഷവും നൽകും. ആന്റി ഓക്സിഡന്റുകളാൽ സമ്പന്നമാണ് കാപ്പി.

ഇനി കാപ്പി കുടിക്കുമ്പോൾ ഒരു ചേരുവകൂടി അതിനൊപ്പം ഉൾപ്പെടുത്തിയാൽ അത് കൂടുതൽ ഹെൽത്തിയാകും.

മഞ്ഞളാണ് ആ ചേരുവ. ഒരു നുള്ള് മഞ്ഞള്‍ കൂടി ചേര്‍ത്ത് ഒരു കപ്പ് 'മഞ്ഞള്‍ കാപ്പി' കുടിച്ചാൽ സ്വാഭാവികമായി നമ്മുടെ ഊര്‍ജ്ജം വർധിക്കും.

മഞ്ഞൾ കാപ്പിയിലെ ആന്റി ബാക്ടീരിയൽ,ആന്റി വൈറൽ,ആന്റി ഫം​ഗൽ ​ഗുണങ്ങൾ അണുബാധകൾ, ജലദോഷം, എന്നിവ അകറ്റുന്നതിന് സഹായിക്കുന്നു. കൂടാതെ രോഗപ്രതിരോധ സംവിധാനത്തെ ശക്തിപ്പെടുത്തുന്നു.

കുടലിന്റെ ആരോ​ഗ്യം നിലനിർത്തിക്കൊണ്ടുതന്നെ വയറുവേദന, ദഹനക്കേട് തുടങ്ങിയ പ്രശ്നങ്ങൾക്ക് പരിഹാരമാണ് മഞ്ഞൾ കാപ്പി.

കാപ്പിയിലെ കഫീൻ ഓർമ്മശക്തി കൂട്ടുന്നു. കൂടാതെ മസ്തിഷ്ക വീക്കവും ഓക്സിഡേറ്റീവ് സമ്മർദ്ദവും കുറയ്ക്കുന്നതിലൂടെ അൽഷിമേഴ്സ്, പാർക്കിൻസൺസ് തുടങ്ങിയ രോ​ഗങ്ങളെ തടയാൻ സഹായിക്കും.

മഞ്ഞളിന്റെ ആന്റി-ഇൻഫ്ലമേറ്ററി, ആന്റി ബാക്ടീരിയൽ ​ഗുണങ്ങൾ മുഖക്കുരു കുറയ്ക്കാനും ചർമ്മത്തിന് തിളക്കം നൽകുകയും ചെയ്യുന്നു.