നിപ വൈറസ്; അതിജാഗ്രതയുടെ ആറുമാസക്കാലം

ഏപ്രിൽ മുതൽ സെപ്റ്റംബർ വരെ നിപ വ്യാപനത്തിന് സാധ്യതയുള്ള സമയമായതിനാൽ ജാ​ഗ്രത നിർദേശവുമായി ആരോ​ഗ്യ വകുപ്പ്.

പടർന്നു പിടിക്കാനുള്ള സാധ്യതയും മരണസാധ്യത ഏറെയുള്ള നിപയ്ക്കെതിരെ അതീവ ജാ​ഗ്രത പാലിക്കേണ്ടത് അത്യാവശ്യമാണെന്നാണ് മുന്നറിയിപ്പ്.

ഇതിനായി ചെയ്യേണ്ട കാര്യങ്ങളും ആരോ​ഗ്യ വകുപ്പ് സോഷ്യൽ മീഡിയയിൽ ഉൾപ്പെടെ പങ്കുവച്ചു.

വവ്വാലുകളെ ഉപദ്രവിക്കാതിരിക്കുക

വവ്വാലുകൾ ചേക്കേറിയ മരങ്ങൾ നശിപ്പിക്കരുത്

വവ്വാലോ മറ്റേതെങ്കിലും ജീവികളോ കടിച്ച പഴങ്ങൾ കഴിക്കരുത്.

പഴങ്ങൾ നന്നായി കഴുകി മാത്രം ഉപയോ​ഗിക്കുക.

പനിയുള്ളപ്പോഴും ആശുപത്രിയിൽ ആയിരിക്കുമ്പോഴും മുഴുവൻ സമയവും മാസ്ക് ധരിക്കുക.

വളർത്തുമൃ​ഗങ്ങളെ പരിപാലിക്കുകയും ശുശ്രൂഷിക്കുകയും ചെയ്തതിനു ശേഷം സോപ്പും വെള്ളവും ഉപയോ​ഗിച്ച് കൈകൾ കഴുകുന്നത് ശീലമാക്കുക.

വീട്ടിൽ ആർക്കെങ്കിലും പനിയോടൊപ്പം പരസ്പര ബന്ധമില്ലാതെ സംസാരിക്കുക,അപസ്മാരം,തീവ്രമായ തലവേദന ശ്വാസം മുട്ടൽ തുടങ്ങിയ ലക്ഷണങ്ങൾ ഉണ്ടെങ്കിൽ വേ​ഗത്തിൽ വൈദ്യസഹായം തേടുകയും ആരോ​ഗ്യപ്രവർത്തകരെ വിവരമറിയിക്കുകയും ചെയ്യുക.