സവാള കഴിക്കുന്നത് കൊണ്ടുള്ള ആരോ​ഗ്യ പ്രശ്നങ്ങൾ

സവാള പല വിഭവങ്ങളുടെയും പ്രധാന ഘടകമാണ്.

രുചിയും പോഷകഗുണങ്ങളും നല്‍കുന്ന സവാള ആരോഗ്യത്തിന് ഗുണകരമെന്നു കരുതപ്പെടുന്നുവെങ്കിലും, എല്ലാവര്‍ക്കും ഒരുപോലെ അനുയോജ്യമാകണമെന്നില്ല.

അതിനാല്‍ സവാളയുടെ ഗുണങ്ങള്‍ക്കൊപ്പം, അത് കഴിക്കുമ്പോള്‍ ശ്രദ്ധിക്കേണ്ട കാര്യങ്ങളും അറിഞ്ഞിരിക്കണം.

ദഹനപ്രശ്നങ്ങൾ

സവാളയിൽ അടങ്ങിയിരിക്കുന്ന ഫ്രക്ടാൻസ് എന്ന കാർബോഹൈഡ്രേറ്റ് ദഹിക്കാൻ പ്രയാസമുള്ളതുകൊണ്ട് ഗ്യാസ്, വയറു വീർക്കൽ, വയറുവേദന, നെഞ്ചെരിച്ചിൽ എന്നിവയ്ക്ക് കാരണമാകാം.

വായനാറ്റം

പച്ച സവാളയിൽ അടങ്ങിയിരിക്കുന്ന സൾഫർ സംയുക്തങ്ങൾ രൂക്ഷമായ വായനാറ്റത്തിനും ശരീരഗന്ധത്തിനും കാരണമാകാം.

അലർജി

ചിലരിൽ സവാള അലർജി ഉണ്ടാക്കാം. ഇത് ചർമ്മത്തിൽ ചൊറിച്ചിൽ, കണ്ണുകളിൽ നീര്, ശ്വാസംമുട്ടൽ എന്നിവയ്ക്ക് കാരണമാകും.രക്തത്തിലെ

പഞ്ചസാരയുടെ അളവ്

സവാള രക്തത്തിലെ പഞ്ചസാര കുറയ്ക്കാൻ സഹായിക്കുമെങ്കിലും, പ്രമേഹ മരുന്ന് കഴിക്കുന്നവർ അമിതമായി സവാള കഴിക്കുന്നത് പഞ്ചസാരയുടെ അളവ് പെട്ടെന്ന് കുറയാൻ കാരണമായേക്കാം.

രക്തം കട്ടപിടിക്കുന്നത് കുറയ്ക്കുന്നു

സവാള രക്തം കട്ടപിടിക്കുന്നത് കുറയ്ക്കാൻ സഹായിക്കുന്നതിനാൽ, രക്തം നേർത്തതാക്കുന്ന മരുന്നുകൾ കഴിക്കുന്നവർ അമിതമായി സവാള ഉപയോഗിക്കുന്നത് ഒഴിവാക്കണം.

ആസ്ത്മ രോഗികൾ‌

ചിലരിൽ സവാള അലർജി ഉണ്ടാക്കി ആസ്ത്മ ലക്ഷണങ്ങൾ വർദ്ധിപ്പിക്കാൻ സാധ്യതയുണ്ട്.