ആരോഗ്യകരമായ ഭക്ഷണക്രമം; ശ്രദ്ധിക്കാം ഇക്കാര്യങ്ങൾ

'സമീകൃതാഹാരം' ശീലമാക്കുവാൻ നാം ശ്രദ്ധിക്കണം. സമീകൃതാഹാരത്തിൽ എന്തൊക്കെ ഉൾപ്പെടുത്തണമെന്ന് പലർക്കും അറിയില്ല.

ആവശ്യമുള്ളതും പോഷക​ഗുണമുള്ളതുമായ ഭക്ഷണങ്ങൾ, അതാണ് സമീകൃതാഹാരം കൊണ്ട് ഉദ്ദേശിക്കുന്നത്.

ആരോഗ്യമുള്ള ഭക്ഷണക്രമത്തിന് ശ്രദ്ധിക്കേണ്ട ചില കാര്യങ്ങൾ എന്തൊക്കെയാണെന്ന് നോക്കാം.

എണ്ണയിൽ വറുത്തതും പൊരിച്ചതുമായ ലഘുഭക്ഷണങ്ങൾ ഒഴിവാക്കുക എന്നതാണ് ആദ്യം ശ്രദ്ധിക്കേണ്ട കാര്യം. മധുര പലഹാരങ്ങൾ, ബേക്കറി പലഹാരങ്ങൾ ഇവയെല്ലാം ആരോ​ഗ്യത്തിന് ദോഷകരമാണ്.

പ്രോട്ടീൻ അടങ്ങിയ ഭക്ഷണങ്ങൾ പ്രഭാതഭക്ഷണത്തിൽ ഉൾപ്പെടുത്തുക. പ്രോട്ടീൻ അടങ്ങിയ പ്രഭാതഭക്ഷണത്തിൽ ഏറ്റവും മികച്ചതാണ് മുട്ട. ഇത് ശരീരഭാരം കുറയ്ക്കാനും മെറ്റബോളിസം വർദ്ധിപ്പിക്കുകയും ചെയ്യുന്നു.

ദിവസവും ഏതെങ്കിലും ഒരു ജ്യൂസ് കുടിക്കുന്നത് ശീലമാക്കുക. മധുരപാനീയങ്ങൾ, പാക്കറ്റ് ജ്യൂസുകൾ എന്നിവ ഒഴിവാക്കുന്നതാണ് ഏറെ നല്ലത്.

ബ്രേക്ക്ഫാസ്റ്റിൽ നട്സുകൾ ഉൾപ്പെടുത്തത് വളരെ മികച്ചതാണെന്ന് വിദ​ഗ്ധർ പറയുന്നു. പ്രഭാതഭക്ഷണത്തിൽ നട്സുകൾ ഉൾപ്പെടുത്തുന്നത് ഉച്ചഭക്ഷണത്തിന്റെ അളവ് കുറയ്ക്കാൻ സഹായിക്കുന്നു.

എല്ലാ ദിവസവും ആവശ്യത്തിന് വെള്ളം കുടിക്കേണ്ടത് വളരെ പ്രധാനമാണ്. ദിവസവും കുറഞ്ഞത് എട്ട് ​ഗ്ലാസ് വെള്ളമെങ്കിലും കുടിക്കണമെന്നാണ് വിദ​ഗ്ധർ പറയുന്നത്.