സമയം മുഖ്യം ബി​ഗിലേ... ആരോ​ഗ്യകരമായ ഭക്ഷണ സമയം ഇതാ

ആരോഗ്യകരമായ ജീവിതശൈലി നിലനിർത്താൻ ഭക്ഷണത്തിന്റെ ഗുണമേന്മ മാത്രം മതിയാകില്ല; അത് കഴിക്കുന്ന സമയം കൂടി അത്ര തന്നെ പ്രധാനമാണ്.

ശരിയായ സമയക്രമം പാലിച്ച് ഭക്ഷണം കഴിക്കുന്നത് മെറ്റാബോളിസം മെച്ചപ്പെടുത്തുകയും ദഹനശേഷി കൂട്ടുകയും നല്ല ഉറക്കത്തിന് സഹായിക്കുകയും ചെയ്യും.

ആരോ​ഗ്യകരമായ ജീവിതത്തിന്റെ ഭക്ഷണ സമയം എങ്ങനെയെന്ന് നോക്കാം

പ്രഭാതഭക്ഷണം

രാവിലെ 7.00 മുതൽ 8.30 വരെ പ്രഭാതഭക്ഷണം കഴിക്കണമെന്ന് വിദഗ്ധർ നിർദേശിക്കുന്നു.

ഉണർന്നതിന് ശേഷം 30 മിനിറ്റിനുള്ളിൽ ഭക്ഷണം കഴിക്കുന്നത് ദഹനം എളുപ്പമാക്കുന്നു.

രാവിലെ 9 മണിക്ക് മുൻപ് ഭക്ഷണം കഴിക്കുന്നത് ഒരു ദിവസത്തേക്കുള്ള ഊർജ്ജം ലഭിക്കാൻ സഹായകരമാണ്.

പ്രഭാതഭക്ഷണം ഒഴിവാക്കുന്നത് ക്ഷീണം, തലചുറ്റൽ, അമിത വിശപ്പ് തുടങ്ങിയ പ്രശ്നങ്ങൾക്ക് കാരണമാകാം.

ഉച്ചഭക്ഷണം

ഉച്ചയ്ക്ക് 12.30 മുതൽ 2.00 വരെ ദഹനശേഷി പരമാവധി സജീവമാണെന്ന് പഠനങ്ങൾ പറയുന്നു. അതിനാൽ ഈ സമയപരിധിക്കുള്ളിൽ ഉച്ചഭക്ഷണം കഴിക്കുന്നത് ഉത്തമം.

പ്രഭാതഭക്ഷണത്തിന് ശേഷം 4-5 മണിക്കൂർ ഇടവേള നൽകണം.

വൈകുന്നേരം 4 മണിക്ക് ശേഷമുള്ള ഉച്ചഭക്ഷണം ദഹനക്കുറവിന് ഇടയാക്കാമെന്ന് വിദഗ്ധർ പറയുന്നു.

അത്താഴം

രാത്രി 7.00 മുതൽ 8.30 വരെ അത്താഴം കഴിക്കണം.

ഉറങ്ങുന്നതിന് 2-3 മണിക്കൂർ മുൻപ് ഭക്ഷണം കഴിച്ചിരിക്കണം.

വൈകി ഭക്ഷണം കഴിക്കുന്നത് ശരീരത്തിൽ കൊഴുപ്പ് അടിഞ്ഞുകൂടാൻ കാരണമാകുകയും ഉറക്കത്തിന്റെ ഗുണമേന്മ കുറയ്ക്കുകയും ചെയ്യും.

ഇടഭക്ഷണവും വെള്ളവും

പകൽ 11 മണിക്കും 4 മണിക്കും ഇടയിൽ ആരോഗ്യകരമായ ലഘുഭക്ഷണം കഴിക്കാം.

പഴം, നട്ട്സുകൾ തുടങ്ങിയവ ഇടഭക്ഷണമായി തിരഞ്ഞെടുക്കുന്നത് നല്ലതാണ്.

ഭക്ഷണത്തിന് 30 മിനിറ്റ് മുൻപോ ശേഷമോ വെള്ളം കുടിക്കുന്ന ശീലം ദഹനത്തിന് സഹായകരമാകും