ടവലിൽ നിന്നും ദുർഗന്ധം വരുന്നത് തടയാൻ ഇവ ശ്രദ്ധിക്കാം

ഈർപ്പമുള്ള ടവൽ പൂർണമായും ഉണങ്ങിയില്ലെങ്കിൽ അതിൽ നിന്നും ദുർഗന്ധം ഉണ്ടാകാറുണ്ട്. പ്രത്യേകിച്ചും മഴയും തണുപ്പുമുള്ള സമയങ്ങളിൽ.

ടവലിലെ ദുർഗന്ധം അകറ്റാനുള്ള ചില മാർ​​ഗ്​ഗങ്ങൾ നോക്കാം.

കഴുകിയതിന് ശേഷം ടവൽ വായുസഞ്ചാരമുള്ള സ്ഥലത്ത് ഉണക്കാൻ ഇടാം.

വെള്ളം നന്നായി പിഴിഞ്ഞ് കളഞ്ഞാൽ മാത്രമേ ടവൽ പെട്ടെന്ന് ഉണങ്ങി കിട്ടുകയുള്ളു. കൂടാതെ ഇത് ടവലിന്റെ മൃദുത്വത്തെ നിലനിർത്താനും സഹായിക്കുന്നു. ഈർപ്പം തങ്ങി നിൽക്കുമ്പോൾ ടവലിൽ ദുർഗന്ധവും കൂടും.

കഴുകിയതിന് ശേഷം ടവൽ നന്നായി കുടയണം. ഇത് ടവലിൽ തങ്ങി നിൽക്കുന്ന ഈർപ്പത്തെ കുറയ്ക്കാൻ സഹായിക്കുന്നു.

വീടിനുള്ളിൽ ഉണക്കാൻ ഇടുമ്പോൾ ജനാലയും വാതിലും തുറന്നിട്ട സ്ഥലത്ത് വിരിച്ചിടാം. ഇല്ലെങ്കിൽ ശരിയായ രീതിയിൽ ഇത് ഉണങ്ങുകയില്ല.

ഇടയ്ക്കിടെ ടവൽ കഴുകാൻ മറക്കരുത്. അഴുക്ക് അടിഞ്ഞുകൂടുമ്പോൾ അണുക്കൾ പടരാനും ഇത് കാരണമാകുന്നു.

ആഴ്ചയിൽ ഒരിക്കൽ ടവലുകൾ കഴുകുമ്പോൾ, ദുർഗന്ധം അകറ്റാൻ വിനാഗിരി ഉപയോഗിച്ച് കഴുകാവുന്നതാണ്.