പച്ചക്കറികൾ പെട്ടെന്ന് കേടുവരാതിരിക്കാൻ ഇതാ ചില പൊടിക്കൈകൾ

കടയിൽ നിന്നും വാങ്ങിക്കൊണ്ടുവരുന്ന പച്ചക്കറികൾ പെട്ടന്ന് ചീത്തയായി പോകുന്നത് വിഷമമുള്ള കാര്യമല്ലേ

ശരിയായ രീതിയിൽ പച്ചക്കറികൾ സൂക്ഷിച്ചാൽ ഇത് എത്ര ദിവസം വരെയും കേടുവരാതെ രുചിയോടെയിരിക്കും.

പച്ചക്കറികൾ കേടുവരാതെ സൂക്ഷിക്കാൻ ഈ എളുപ്പ വഴികൾ പരീക്ഷിച്ച് നോക്കൂ.

പച്ചക്കറികൾ നല്ല വായുസഞ്ചാരം ലഭിക്കുന്ന സ്ഥലത്ത് സൂക്ഷിക്കുക. ഇലക്കറികളും ഔഷധസസ്യങ്ങളും വായു സഞ്ചാരം ലഭിക്കുന്ന വിധത്തിൽ പൊതിഞ്ഞ് സൂക്ഷിക്കാം. ഇത് പച്ചക്കറികൾ കേടുവരാതെ സൂക്ഷിക്കാൻ സഹായിക്കുന്നു.

വേരുള്ള പച്ചക്കറികൾ അധികം ചൂടില്ലാത്ത, തണുപ്പുള്ളതും പ്രകാശം ഇല്ലാത്തതുമായ സ്ഥലത്തുവേണം സൂക്ഷിക്കാൻ. ഈർപ്പമുണ്ടായാൽ ഈ പച്ചക്കറികൾ പെട്ടെന്ന് കേടാകുന്നു.

പഴം, ആപ്പിൾ തുടങ്ങിയ പഴങ്ങളിൽ നിന്നും എത്തിലീൻ വാതകം പുറന്തള്ളാറുണ്ട്. ഇത് പഴങ്ങൾ പെട്ടെന്ന് കേടുവരാൻ കാരണമാകുന്നു. അതിനാൽ തന്നെ ഇത്തരം പഴങ്ങൾക്കൊപ്പം പച്ചക്കറികൾ സൂക്ഷിക്കുന്നത് ഒഴിവാക്കാം.

ചീര, ലെറ്റൂസ് എന്നിവ പേപ്പർ ടവലിൽ പൊതിഞ്ഞ് സൂക്ഷിക്കുന്നതാണ് നല്ലത്. ഇങ്ങനെ ചെയ്യുമ്പോൾ ഈർപ്പത്തെ വലിച്ചെടുക്കാനും പച്ചക്കറികൾ എപ്പോഴും ഫ്രഷായിരിക്കാനും സഹായിക്കുന്നു.

ഉപയോഗിക്കുന്നതിന് മുമ്പ് മാത്രമേ പച്ചക്കറികൾ കഴുകാവൂ. കഴുകി സൂക്ഷിക്കുമ്പോൾ ഈർപ്പം അതിൽ തങ്ങി നിൽക്കുകയും പൂപ്പൽ ഉണ്ടാവാനും കേടുവരാനും കാരണമാകുന്നു.