മുടി കൊഴിച്ചില്‍ തടയാന്‍ ആര്‍ക്കും ചെയ്യാവുന്ന സിംപിള്‍ വഴികള്‍

മുടി വളരുന്നില്ല എന്ന പരാതിയേക്കാൾ പലരേയും അലട്ടുന്ന പ്രധാനപ്പെട്ട പ്രശ്‌നം മുടികൊഴിച്ചിലാണ്.

ഉറക്കം ഇല്ലായ്മ, സ്ട്രെസ്സ്, ക്ലോറിൻ വെള്ളത്തിന്റെ ഉപയോ​ഗം, കഴിക്കുന്ന മരുന്നുകളുടെ പർശ്വഫലം ഇതെല്ലാം മുടികൊഴിച്ചിലിന്റെ കാരണമാകാറുണ്ട്.

മുടി കൊഴിച്ചില്‍ തടയാന്‍ ആര്‍ക്കും ചെയ്യാവുന്ന ചില നാച്വറല്‍ വഴികളെക്കുറിച്ചറിയൂ.

കറ്റാര്‍ വാഴ

കറ്റാര്‍ വാഴയുടെ ജെല്‍ തലയോട്ടിയിൽ പുരട്ടുന്നത് മുടികൊഴിച്ചിൽ ഒരു പരിതിവരെ ഇല്ലാതാക്കും. ഇതിൽ അടങ്ങിയിരിക്കുന്ന വിറ്റാമിൻ ഇ ഫ്രീ റാഡിക്കലുകളിൽ നിന്ന് മുടിയെ സംരക്ഷിക്കാൻ സഹായിക്കുന്നു. മുടിയിൽ സ്വാഭാവികമായ ഈർപ്പം നിലനിർത്താൻ കറ്റാർ വാഴ നീരിന് കഴിയും.

നെല്ലിക്ക

വൈറ്റമിന്‍ സിയാല്‍ സമ്പുഷ്ടമാണ്. മുടി നരയ്ക്കുന്നതു തടയാന്‍ മാത്രമല്ല, മുടി വളരാനും മുടിയുടെ നര മാറി കറുപ്പാകാനുമെല്ലാം ഇതേറെ നല്ലതു തന്നെയാണ്. നെല്ലിക്കയിൽ അടങ്ങിയിരിക്കുന്ന പോഷകങ്ങൾ മുടിയുടെ വളർച്ചയെ ഉത്തേജിപ്പിക്കും.

ഓയില്‍ മസാജ്

എണ്ണയില്ലാതെ വെറുതേയും വിരല്‍ത്തുമ്പുകള്‍ കൊണ്ട് ശിരോചര്‍മത്തില്‍ മസാജ് ചെയ്യാം. ഇതു പോലെ കറിവേപ്പിലയിട്ട് കാച്ചിയ വെളിച്ചെണ്ണയും നല്ലതാണ്.

തൈര്

തൈരോ മോരോ ശിരോചര്‍മത്തില്‍ പുരട്ടുന്നതും നല്ലതാണ് . തൈര് മുടിയ്ക്ക് മൃദുത്വവും തിളക്കവും നല്‍കാന്‍ നല്ലതാണ്. മുടിയ്ക്ക് സ്വാഭാവിക കണ്ടീഷണര്‍ ഗുണം നല്‍കുന്ന ഒന്നാണിത്.

ചെമ്പരത്തി

മുടിയുടെ ആരോഗ്യത്തിന് ഏറെ നല്ലതാണ് ചെമ്പരത്തി. ഇത് ഉപയോഗിയ്ക്കുന്നത് മുടി കൊഴിച്ചില്‍ തടയാനും മുടി വളരാനുമെല്ലാം ഏറെ ഗുണം നല്‍കുന്ന ഒന്നാണ്. ഇത് ഷാംപൂ, കണ്ടീഷണര്‍ ഗുണങ്ങള്‍ ഒരുപോലെ നല്‍കുന്ന ഒന്നാണ്.

കഞ്ഞിവെള്ളം

കഞ്ഞിവെള്ളം മുടിയില്‍ പുരട്ടുന്നത് മുടി കൊഴിച്ചില്‍ തടയാന്‍ ഏറെ നല്ലതാണ്. കഞ്ഞിവെള്ളം പുളിപ്പിച്ച് പുരട്ടുന്നത് ഏറെ ആരോഗ്യകരമാണ്.