വിയർപ്പ് നാറ്റം അകറ്റാൻ വീട്ടിലെ പൊടിക്കൈകൾ

പലരെയും ബുദ്ധിമുട്ടിക്കുന്ന ഒന്നാണ് ശരീര ദുർഗന്ധം .

വിയർപ്പ് ആരോഗ്യകരവും സ്വാഭാവികവുമാണ്, കാരണം ഇത് ശരീരത്തിൽ നിന്ന് വിഷവസ്തുക്കളെ അകറ്റാനും ശരീര താപനില നിലനിർത്താനും സഹായിക്കുന്നു.

യഥാർത്ഥത്തിൽ വിയർപ്പല്ല, മറിച്ച് ചർമ്മത്തിലെ നീണ്ടുനിൽക്കുന്ന ബാക്ടീരിയകളാണ് ശരീര ദുർഗന്ധത്തിന് കാരണമാകുന്നത്.

ശരീര ദുർഗന്ധം അകറ്റാൻ വീട്ടിൽ പരീക്ഷിക്കാവുന്ന ചില കാര്യങ്ങൾ എന്തൊക്കെയാണെന്ന് നോക്കാം.

മഞ്ഞൾ

ആഴ്ചയിലൊരു തവണയെങ്കിലും മഞ്ഞൾ തേച്ച് കുളി ശീലമാക്കിയാൽ അമിത വിയർപ്പ് ഗന്ധം നിയന്ത്രിക്കാം. മഞ്ഞൾ അരച്ച് ദേഹത്ത് പുരട്ടി കുളിക്കുകയോ കുളിയ്ക്കുന്ന വെള്ളത്തിൽ അൽപം മഞ്ഞൾ കലർത്തുകയോ ചെയ്യാം.

ചന്ദനം

ചന്ദനം അരച്ച് ശരീരത്തിൽ പുരട്ടി കുളിക്കുന്നതും വിയർപ്പിൻറെ ഗന്ധം പോകാൻ ഏറെ നല്ലതാണ്. ഇത് ശരീരത്തിലെ വിയർപ്പ് വലിച്ചെടുക്കുന്നതിനൊപ്പം ഫംഗസ് ബാധയ്ക്കുള്ള സാധ്യതയും കുറയ്ക്കുമെന്നാണ് പഠനങ്ങൾ പറയുന്നത്.

ബേക്കിംങ് സോഡ

ഇത് ഈർപ്പം ആഗിരണം ചെയ്യാൻ സഹായിക്കുകയും ബാക്ടീരിയകളുടെ വളർച്ച കുറയ്ക്കുകയും ചെയ്യുന്നു.അതിനാൽ ബേക്കിംങ് സോഡ പേസ്റ്റ് രൂപത്തിലാക്കി, ശരീരം കൂടുതൽ വിയർക്കുന്ന ഭാഗങ്ങളിൽ പുരട്ടുക.

റോസ് വാട്ടർ

വെള്ളത്തിൽ റോസ് വാട്ടർ ഒഴിച്ച് കുളിക്കുന്നത് ദുർഗന്ധം ഒഴിവാക്കാൻ നല്ലതാണ്. വെള്ളത്തിൽ നാരങ്ങാനീരും റോസ് വാട്ടറും ചേർത്ത് കുളിക്കുന്നത് തലമുടിയിലെ ദുർഗന്ധം അകറ്റാനും സഹായിക്കും.

വെള്ളം കുടിക്കുക

നിർജ്ജലീകരണം ശരീര ദുർഗന്ധത്തിന് കാരണമാകും. വെള്ളം നിങ്ങളുടെ ശരീരത്തിൽ നിന്ന് വിഷവസ്തുക്കളെ പുറന്തള്ളുന്നു, അതിന്റെ അഭാവം നിങ്ങളുടെ വിയർപ്പ് വഴി ഏകാഗ്രമായ രൂപത്തിൽ പുറത്തുവരാൻ കാരണമാകും.