സമകാലിക മലയാളം ഡെസ്ക്
മഞ്ഞളും തേനും നമ്മുടെ ശരീരത്തിന് വളരെയധികം ഗുണങ്ങള് നല്കുന്നവയാണ്. ആരോഗ്യകരമായ ശരീരത്തിനും പ്രതിരോധ ശേഷി വര്ധിപ്പിക്കാനുമെല്ലാം ഇവ നല്ലതാണ്.
ചര്മം തിളങ്ങാന്
മഞ്ഞളിനൊപ്പം തേന് കഴിക്കുന്നത് ആന്റി ഇന്ഫ്ലമേറ്ററി, ആന്റി ഓക്സിഡന്റ് ഗുണങ്ങള് ലഭിക്കാന് സഹായിക്കും. ഇത് ചര്മത്തിന്റെ ആരോഗ്യം മെച്ചപ്പെടുത്തി ചര്മം തിളങ്ങാന് സഹായിക്കും.
രോഗ പ്രതിരോധശേഷി
രോഗ പ്രതിരോധശേഷി വര്ധിപ്പിക്കാന് മഞ്ഞളിനൊപ്പം തേന് കഴിക്കുന്നത് നല്ലതാണ്. മഞ്ഞളില് അടങ്ങിയ കുര്ക്കുമിന് ഇതിന് സഹായിക്കും. കൂടാതെ ആന്റിമൈക്രോബയല്, ആന്റിഓക്സിഡന്റ് ഗുണങ്ങള് അടങ്ങിയ തേനിന് തൊണ്ടവേദന, ജലദോഷം എന്നിവയെ ശമിപ്പിക്കാനുള്ള കഴിവുണ്ട്.
ദഹനം
ദഹനസംബന്ധമായ പ്രശ്നങ്ങള്ക്കും പരിഹാരമാണ് മഞ്ഞള്. ദഹനം മെച്ചപ്പെടുത്താന് സഹായിക്കുന്ന എന്സൈമുകള് തേനിലും അടങ്ങിയിട്ടുണ്ട്. അതിനാല് മഞ്ഞളിനൊപ്പം തേന് കഴിക്കുന്നത് ദഹനം മെച്ചപ്പെടുത്താന് ഗുണം ചെയ്യും.
ഹൃദയാരോഗ്യം
ചീത്ത കൊളസ്ട്രോളിന്റെ അളവ് കുറയ്ക്കാനും മഞ്ഞളിലെ കുര്ക്കുമിന് സഹായിക്കുന്നു. മഞ്ഞളിനൊപ്പം തേന് കഴിക്കുന്നത് ഹൃദയാരോഗ്യം സംരക്ഷിക്കാനും സഹായിക്കും.
ശരീരഭാരം
മെറ്റബോളിസം വര്ധിപ്പിക്കാന് മഞ്ഞളിനൊപ്പം തേന് ചേര്ത്ത് കഴിക്കുന്നത് സഹായിക്കും. കൊഴുപ്പ് കത്തിച്ചു കളയാന് ഇവയ്ക്ക് കഴിവുണ്ട്. അതുവഴി വയര് കുറയ്ക്കാനും സാധിക്കും.
പ്രമേഹം
രക്തത്തിലെ പഞ്ചസാരയുടെ അളവു ക്രമീകരിച്ചു നിര്ത്താനും മഞ്ഞളിനൊപ്പം തേന് ചേര്ത്ത് കഴിക്കുന്നത് നല്ലതാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates