പക്ഷികൾക്കു പല്ലില്ല, പിന്നെങ്ങനെ അവ ചവയ്ക്കും?

കോഴികളേയും മറ്റ് പക്ഷികളേയും കാണുമ്പോൾ പലർക്കുമുണ്ടാകുന്ന ഒരു സംശയമാണ്, ഇവയ്ക്ക് പല്ലുകളില്ലല്ലോ പിന്നെ എങ്ങനെ അവ ഭക്ഷണം ചവയ്ക്കും എന്ന്.

കോഴികൾക്കും മിക്ക പക്ഷികൾക്കും പല്ലിന് പകരമുള്ളത് ബലമുള്ള കൊക്കുകൾ മാത്രമാണുള്ളത്.

കൊക്കുകൾ ഉപയോഗിച്ച് ഭക്ഷണം കൊത്തിയെടുത്ത് കീറിയ ശേഷം അവ നേരിട്ട് വിഴുങ്ങുകയാണ് ഇക്കൂട്ടർ ചെയ്യുന്നത്.

പല്ലുകളില്ലെങ്കിൽ എങ്ങനെയാണ് ഇക്കൂട്ടർ കട്ടിയുള്ള ഭക്ഷണം ദഹിപ്പിക്കുന്നത് എന്ന് നോക്കാം.

ഇവർ ദഹനത്തെ സഹായിക്കുന്നതിനായി മനഃപൂർവം ചെറിയ മൂർച്ചയുള്ള കല്ലുകൾ വിഴുങ്ങാറുണ്ട്. ഇങ്ങനെ വിഴുങ്ങുന്ന കല്ലുകൾ വയറിലെ പേശീഭാഗത്ത് സംഭരിച്ച് വെക്കും.

ഭക്ഷണം ആമാശയത്തിലേക്ക് എത്തുമ്പോൾ, ഈ കല്ലുകൾ ഒരു കല്ലിൻ്റെ മുകളിൽ മറ്റൊന്ന് ഉരയുന്നതുപോലെ പ്രവർത്തിച്ച് ഭക്ഷണത്തെ ദഹിക്കാൻ പാകത്തിൽ പൊടിച്ച് വിഘടിപ്പിക്കാൻ സഹായിക്കുന്നു.

കുറച്ച് ദിവസങ്ങൾ ഉപയോഗിക്കുമ്പോൾ കല്ലുകളുടെ മൂർച്ച കുറയുകയും, ഇവർ ഈ കല്ലുകൾ ഛർദ്ദിച്ച് കളഞ്ഞ് പുതിയ മൂർച്ചയുള്ള കല്ലുകൾ വിഴുങ്ങുകയും ചെയ്യും.