ദിവസവും എത്ര ഡ്രൈ ഫ്രൂട്ട്‌സും നട്സും കഴിക്കാം?

വിറ്റാമിനുകൾ, ധാതുക്കൾ, ആരോഗ്യകരമായ കൊഴുപ്പുകൾ, ആന്റിഓക്‌സിഡന്റുകൾ എന്നിവയാൽ സമ്പുഷ്ടമാണ് ഡ്രൈ ഫ്രൂട്ട്‌സും നട്സും

ഇത് ഊർജ്ജം വർധിപ്പിക്കാനും പ്രതിരോധശേഷി കൂട്ടാനും സഹായിക്കുന്നു.

വിറ്റാമിൻ ഇ, ഒമേഗ-3 ഫാറ്റി ആസിഡുകൾ, ആന്റിഓക്‌സിഡന്റുകൾ എന്നിവ ഓർമശക്തി, ശ്രദ്ധ, ബുദ്ധിപരമായ കഴിവുകൾ എന്നിവ മെച്ചപ്പെടുത്തുകയും ദീർഘനേരം നിലനിൽക്കുന്ന ഊർജ്ജം നൽകുകയും ചെയ്യുന്നു

ആരോഗ്യമുള്ള ഒരാൾക്ക് ഒരു ദിവസം 20-30 ഗ്രാം വരെയാണ് സാധാരണയായി കഴിക്കാൻ പറ്റുക. ഇത് ഏകദേശം ഒരു ചെറിയ കൈ നിറയെ വരുന്ന അളവാണ്.

ഈ അളവിൽ കഴിക്കുമ്പോൾ ശരീരത്തിന് ആവശ്യമായ പോഷകങ്ങൾ ലഭിക്കുകയും അധിക കലോറി ശരീരത്തിൽ എത്തുന്നത് ഒഴിവാക്കുകയും ചെയ്യാം.

ഉണങ്ങിയ പഴങ്ങളിൽ കലോറി കൂടുതലായതിനാൽ, അമിതമായി കഴിക്കുന്നത് ശരീരഭാരം കൂടാൻ കാരണമാകും.

ഓരോ ഡ്രൈ ഫ്രൂട്ട്‌സും നട്സും എത്ര എണ്ണം വീതം കഴിക്കാമെന്ന് നോക്കാം

• ബദാം 4 മുതൽ 7 എണ്ണം (കുതിർത്തത്)

• കശുവണ്ടി 4 മുതൽ 5 എണ്ണം

• വാൾനട്ട് 2 മുതൽ 4 എണ്ണം (മുഴുവനായത്)

• ഈന്തപ്പഴം 1 മുതൽ 2 എണ്ണം വരെ

• ഉണക്കമുന്തിരി 10 മുതൽ 15 എണ്ണം വരെ

• അത്തിപ്പഴം 1 മുതൽ 2 എണ്ണം വരെ

• പിസ്ത 5 മുതൽ 10 എണ്ണം വരെ

ഉപ്പ് ചേർത്ത നട്‌സുകൾ ഒഴിവാക്കണം. ഇത് സോഡിയത്തിന്റെ അളവ് വർധിപ്പിക്കുകയും രക്തസമ്മർദം ഉയർത്തുകയും ചെയ്യും.

ഓരോ വ്യക്തിയുടെയും ആരോഗ്യനില അനുസരിച്ച് അളവിൽ മാറ്റങ്ങൾ വരാം.