എത്ര അടിച്ചാലും പെർഫ്യൂം മണം നിൽക്കുന്നില്ലേ? ഇങ്ങനെ ചെയ്ത് നോക്കൂ

പെർഫ്യൂമുകൾ ഉപയോ​ഗിക്കാത്തവർ ഇപ്പോൾ ചുരുക്കമാണ്. ചില ആളുകൾക്ക് പെർഫ്യൂം കളക്ഷൻ തന്നെയുണ്ട്.

നല്ല ​ഗുണമേന്മയുള്ള സു​ഗന്ധം മാനസികാവസ്ഥയെ ഉയർത്തും.

ആളുകൾക്കിടയിൽ ആത്മവിശ്വാസത്തോടെ ചെലവഴിക്കാൻ പെർഫ്യൂമുകൾ സഹായിക്കുന്നു.

എന്നാൽ പലരുടേയും പരാതിയാണ് പെർഫ്യൂമിന്റെ മണം അധികനേരം നിൽക്കുന്നില്ല എന്നത്. ഇതിന് പരിഹാരവുമുണ്ട്.

പെർഫ്യൂം വെറുതെയങ്ങ് അടിച്ചാൽ പോര, സു​ഗന്ധം വളരെ നേരം നിൽക്കാൻ പെർഫ്യൂം എവിടെ എങ്ങനെ പ്രയോ​ഗിക്കണമെന്ന് അറിഞ്ഞിരിക്കേണ്ടതുണ്ട്.

നിങ്ങളുടെ പെർഫ്യൂം കൂടുതൽ നേരം നിലനിൽക്കാൻ, ശരീരത്തിലെ ചൂട് ഉത്പാദിപ്പിക്കുന്ന പോയിന്റുകളിൽ അവ ഉപയോ​ഗിക്കണം.

കൈത്തണ്ട, ക്ളീവേജ്, കഴുത്തിന്റെ അടിഭാ​ഗത്തിന് പിന്നിൽ, കോളർബോൺ, കൈ മുട്ട് എന്നിവടങ്ങളാണ് പെർഫ്യൂം ഉപയോ​ഗിക്കാനുള്ള മികച്ച ഭാ​ഗങ്ങൾ.

ശരീരത്തിൽ ഈർപ്പമുള്ള സമയത്താണ് പെർഫ്യൂം ഉപയോ​ഗിക്കാൻ ഏറ്റവും മികച്ച സമയം. കുളി കഴിഞ്ഞിറങ്ങിയാൽ ഉടൻ പെർഫ്യൂം ഉപയോ​ഗിക്കുക.

പെർഫ്യൂം ഉപയോ​ഗിച്ചതിന് പിന്നാലെ മോയിസ്ചറൈസർ പുരട്ടുന്നത് സു​ഗന്ധം ഏറെ നേരം നിലനിൽക്കാൻ സഹായിക്കും.

വായുവിൽ പെർഫ്യൂം അടിച്ചതിന് ശേഷം അതിനുള്ളിലേക്ക് നടക്കുന്നത് പെർഫ്യൂം ശരീരത്തിൽ മൊത്തത്തിൽ പടരാൻ സഹായിക്കും.

ശരീരത്തിൽ നിന്ന് 5 മുതൽ 7 സെന്റീമീറ്റർ വരെ അകലെയായി വേണം പെർഫ്യൂം പ്രയോ​ഗിക്കാൻ.

പെർഫ്യൂം ബോട്ടിലിന്റെ നോസിൽ ശരീരത്തിൽ തൊടാതേയും ശ്രദ്ധിക്കണം.