'ഓണത്തിന് സാരി മസ്റ്റാണ്'; എന്നാൽ സാരിയുടെ ഭം​ഗികെടാതെ എങ്ങനെ സൂക്ഷിക്കാം

ഏത് ആഘോഷമാണെങ്കിലും സ്ത്രീകൾക്ക് ഏറ്റവും അധികം ധരിക്കാൻ ഇഷ്ടപ്പെടുന്ന വസ്ത്രങ്ങളിൽ ഒന്നാണ് സാരി.

അതിനാൽ സാരി വാ‍ങ്ങുന്നതിന് പണം ചിലവഴിക്കുന്നതൊന്നും ആളുകൾക്ക് ഒരു പ്രശ്നമേ അല്ല.

പക്ഷേ സാരികൾ എന്നും പുതുമയോടെ സൂക്ഷിക്കുക എന്നത് അത്ര എളുപ്പമുള്ള കാര്യമല്ല.

ചെറിയ ചില കാര്യങ്ങൾ ഒന്ന് ശ്രദ്ധിച്ചാൽ സാരികൾ എന്നും പുതുമയോടെ സൂക്ഷിക്കാൻ സാധികും.

കോട്ടൺ സാരികളും, പട്ട്സാരികളും ഒരിക്കലും വഷിംങ്ങ് മെഷീനിൽ അലക്കരുത്.

ബക്കറ്റിൽ വെള്ളത്തിലിട്ട് സോപ്പ് പൊടിയ്ക്ക് പകരം ഷാംപൂ,സോപ്പ് ഉപയോ​ഗിച്ച് അധികം ബലം പ്രയോഗിക്കാതെയാണ് സാരി കഴുകേണ്ടത്.

സാരികളിൽ അഴുക്കാകാൻ സാധ്യതയുള്ള അരികുകളിൽ മാത്രമേ ബലം പ്രയോഗിച്ച് വൃത്തിയാക്കുക.

അലക്കിയ ശേഷം സാരി മുറുകെ പിഴിയാനും പാടില്ല. വെള്ളം വാർന്നുപോകുന്ന തരത്തിൽ വിരിച്ചിടുക.

പട്ടു സാരികൾ ഇളം വെയിലിൽ ഉണക്കിയെടുക്കുന്നതാണ് ഉത്തമം.

സാരികൾ തേയ്ക്കുമ്പോൾ ആദ്യം ഉൾവശമാണ് തേക്കേണ്ടത്.

അയൺ ബോക്സിൽ ചൂട് കൃത്യമായി ക്രമീകരിച്ചതിന് ശേഷം വൈറ്റ് പേപ്പർ വച്ച് അതിനുമുകളിൽ വേണം പട്ട്സാരികൾ തേക്കാൻ