കണ്ണ് നിറയാതെ എങ്ങനെ ഉള്ളി അരിയാം

സവാള അരിയുന്നതാണ് മിക്ക വീട്ടമ്മമാർക്കും വലിയ പ്രശ്നം.

സവാള അരിയുമ്പോൾ കണ്ണിൽ നിന്ന് വെള്ളം വരാറുണ്ട്. അത് സവാള അരിയാൻ ഏറെ ബുദ്ധിമുട്ടുണ്ടാക്കുന്നു.

കണ്ണ് നനയ്ക്കാതെ എങ്ങനെ സവാള അരിയാം എന്ന് നോക്കാം.

വിനാഗിരി

അൽപം വെള്ളത്തിൽ വിനാഗിരി കലർത്തിയതിന് ശേഷം കുറച്ച് ഉപ്പ് ചേർക്കാം. അതിലേയ്ക്ക് രണ്ടായി മുറിച്ച സവാള ഇടാം. 10 മിനിറ്റ് കഴിഞ്ഞ് അരിയുകയാണെങ്കിൽ കണ്ണിൽ നിന്നും വെള്ളം വരില്ല.

കട്ടിങ് ബോർഡ്

കട്ടിങ് ബോർഡിൽ വച്ചാണ് അരിയുന്നതെങ്കിൽ അതിൽ അൽപം വിനാഗിരി പുരട്ടിയതിനു ശേഷം ഉപയോഗിക്കാം.

ഫ്രിഡ്ജിൽ വയ്ക്കാം

സവാള അരിയുന്നതിനു 10 മുതൽ 20 മിനിറ്റ് വരെ ഫ്രിഡ്ജിൽ തണുപ്പിക്കാൻ വയ്ക്കാം. ഇത് സവാളയിലെ കണ്ണിന് എരിച്ചിലുണ്ടാക്കുന്ന എൻസൈമിനെ പ്രവർത്തന രഹിതമാക്കും.

വെള്ളത്തിൽ കുതിർക്കാം

തൊലി കളഞ്ഞെടുത്ത സാവള രണ്ടായി മുറിച്ച വെള്ളത്തിൽ ഇടാം. 10 മിനിറ്റിനു ശേഷം അരിയാം.

ഐസ്ക്യൂബ്

സാവള തൊലി കളഞ്ഞ് രണ്ടായി മുറിക്കാം. ഒരു ബൗളിൽ കുറച്ച് ഐസ്ക്യൂബ് എടുത്ത് അതിലേയ്ക്ക് സവാള കഷ്ണങ്ങൾ ചേർക്കാം. 20 മിനിറ്റു കഴിഞ്ഞ് അരിയാം.