കരിപിടിച്ച പാത്രങ്ങൾ കഴുകി വയ്യാണ്ടായോ? എങ്കിൽ ഇതാ ചില പൊടിക്കെകൾ

അടുക്കള വൃത്തിയാക്കുന്നതിൽ വലിയൊരു ടാസ്ക്കാണ് ‌പാത്രം കഴുകൽ.

കരിപിടിച്ച പാത്രങ്ങൾ കഴുകി വൃത്തിയാക്കുന്നത് കൂടുതൽ സമയം ചിലവഴിക്കേണ്ടി വരുന്ന കാര്യമാണ്.

കരിപിടിച്ച പാത്രങ്ങൾ എളുപ്പം വൃത്തിയാക്കാൻ ചില ടിപ്സുകൾ നോക്കാം.

കരിപിടിച്ച പാത്രങ്ങൾ കഴുകുന്നതിന് മുമ്പ് ചെറിയ ചൂടുവെള്ളത്തിൽ അൽപ സമയം കുതിർക്കാൻ ഇടണം. ഇത് പറ്റിപ്പിടിച്ച കരി അയഞ്ഞു വരാൻ സഹായിക്കുന്നു.

കുറച്ച് ചൂട് വെള്ളം എടുത്ത് അതിലേക്ക് ബേക്കിംഗ് സോഡയും വിനാഗിരിയും ചോർക്കുക.കരിപിടിച്ച പാത്രങ്ങൾ ഈ വെള്ളത്തിൽ 20 മിനിട്ടോളം മുക്കിവെയ്ക്കുക.അതിന് ശേഷം കഴുകി കളയാം.

കരിപ്പിടിച്ച പാത്രത്തിൽ വെള്ളം നിറച്ച് അതിൽ ഒര് കപ്പ് വിനാഗിരി ഒഴിക്കുക. രാത്രി മുഴുവൻ ഇങ്ങനെ വെയ്ക്കുക. രാവിലെ, സാധാരണ പാത്രം കഴുകുന്ന ഡിറ്റർജെന്റ് സോപ്പ് ഉപയോഗിച്ച് പാത്രം വൃത്തിയാക്കുമ്പോൾ കറ മുഴുവൻ ഇളകി പോയിട്ടുണ്ടാകും

കരി പിടിച്ച പാത്രത്തിൽ ചെറിയ അളവിൽ ഉപ്പിട്ട് കുറച്ച് വെള്ളം തിളപ്പിക്കുക. പിന്നീട് സ്ക്രബറിൽ അല്പം കൂടുതൽ ഉപ്പ് ചേർത്ത് പാത്രം മുഴുവനും നന്നായി സ്‌ക്രബ് ചെയ്യുക. കറ ഇളകി പോകുന്നതാണ്.