സമകാലിക മലയാളം ഡെസ്ക്
കഫം മൂലമുണ്ടാകുന്ന പ്രശ്നങ്ങൾ പലരെയും അലട്ടാറുണ്ട്. ശ്വാസകോശം ക്ലീൻ ആക്കി, കഫം ഒഴിവാക്കാൻ ചില ശാസ്ത്രീയ മാർഗങ്ങൾ.
ആവി പിടിക്കാം
ആവി പിടിക്കുന്നത് കഫം ഇളകിവരാനും ശ്വാസകോശത്തിലെ മാലിന്യം ഒഴിവാക്കാനും സഹായിക്കും. കഫക്കെട്ട് ഉള്ളവർ രണ്ടുനേരമെങ്കിലും ആവി പിടിക്കുക.
പുകവലി വേണ്ട
പുകവലി ശ്വാസകോശത്തിനു ഹാനികരമാണ്. ആസ്മ പോലുള്ള ശ്വാസകോശ പ്രശ്നങ്ങൾ ഉള്ളവർക്കു നിഷ്ക്രിയ പുകവലിയും പ്രശ്നമാണ്.
വെള്ളം കുടിക്കുക
കഫത്തെ അലിയിക്കാൻ വെള്ളത്തിനാകും. നന്നായി വെള്ളം കുടിക്കുന്നത് മ്യൂക്കസിന്റെ നേർത്ത പാളി ക്ലീൻ ആകാൻ സഹായിക്കും.
മരുന്നുകൾ ഉപയോഗിക്കാം
കഫം ഇളകി പോകാൻ സഹായിക്കുന്ന മരുന്നുകളുണ്ട്. ഇത് ഡോക്ടറുടെ നിർദേശപ്രകാരം മാത്രം കഴിക്കുക. കഫം പുറത്തേക്ക് കളയാൻ സഹായിക്കുന്ന മ്യൂക്കോകൈനൈറ്റ്സ് എന്ന വിഭാഗത്തിലെ മരുന്നുകളും നല്ലതാണ്.
മൂക്കിൽപൊടി
മൂക്കിൽപൊടി ഉപയോഗിക്കുന്നവർ ഇന്നും ചുരുക്കമല്ല. ഇത് ശ്വാസകോശത്തിൽ മാലിന്യം അടിയാൻ കാരണമാകുന്നു. ഈ ശീലം പൂർണമായും ഉപേക്ഷിക്കുക.
മലിനീകരണത്തിൽ നിന്ന് അകലുക
ശ്വാസകോശങ്ങൾ ക്ലീൻ ആയി ഇരിക്കാൻ മലിനീകരണത്തിൽ നിന്ന് അകന്നു നിൽക്കുക. മലിനീകരണം എന്നു പറയുമ്പോൾ അന്തരീക്ഷത്തിലെയും വീടിനുള്ളിലെയും ഉൾപ്പെടും. വീടിനു പുറത്ത് പൊടിപടലങ്ങളിൽ നിന്ന് ഒഴിഞ്ഞ് നിൽക്കുക.