ചായ അരിപ്പയിലെ പറ്റിപ്പിടിച്ച കറ വൃത്തിയാക്കാം

അടുക്കളയിൽ എപ്പോഴും ഉപയോഗിക്കുന്ന ഒരു വസ്തുവാണ് ചായ അരിപ്പ.

നിരന്തരമായി ഉപയോഗിക്കുമ്പോൾ സ്വാഭാവികമായും ഇതിൽ കറ പറ്റുകയും അഴുക്ക് ഉണ്ടാവുകയും ചെയ്യുന്നു.

എളുപ്പത്തിൽ ചായ അരിപ്പ വൃത്തിയാക്കാനുള്ള ചില ട്രിക്കുകൾ നോക്കാം

ഡിഷ്‌വാഷ് ലിക്വിഡ്

ചൂട് വെള്ളത്തിൽ ചായ അരിപ്പ മുക്കിവയ്ക്കണം. കുറച്ച് നേരം അങ്ങനെ തന്നെ വെച്ചതിന് ശേഷം ഡിഷ്‌വാഷ് ലിക്വിഡും സ്‌ക്രബറും ഉപയോഗിച്ച് നന്നായി ഉരച്ച് കഴുകിയാൽ മതി. ഇത് എളുപ്പത്തിൽ കറയെ നീക്കം ചെയ്യാൻ സഹായിക്കുന്നു.

ബേക്കിംഗ് സോഡ

ചെറുചൂട് വെള്ളത്തിൽ ഒരു ടേബിൾ സ്പൂൺ ബേക്കിംഗ് സോഡ ചേർക്കണം. ഇതിലേക്ക് പ്ലാസ്റ്റിക്, സ്റ്റീൽ എന്നിവയിൽ നിർമ്മിച്ച ചായ അരിപ്പകൾ മുക്കിവയ്ക്കാം. കുറച്ച് നേരം അങ്ങനെ തന്നെ വെച്ചതിന് ശേഷം ബ്രഷ് ഉപയോഗിച്ച് നന്നായി ഉരച്ച് കഴുകിയാൽ മതി.

ഗ്യാസ് ഉപയോഗിക്കാം

തീ കത്തിച്ചതിന് ശേഷം അരിപ്പ അതിലേക്ക് വെയ്ക്കാം. ചൂടേൽക്കുമ്പോൾ അരിപ്പയിലെ പറ്റിപ്പിടിച്ച കറ എളുപ്പത്തിൽ നീക്കം ചെയ്യാൻ സാധിക്കുന്നു. ശേഷം ഡിഷ്‌വാഷ് ലിക്വിഡ് ഉപയോഗിച്ച് കഴുകി വൃത്തിയാക്കിയാൽ മതി.

നാരങ്ങാനീര്

ഒരു നാരങ്ങയുടെ പകുതിയെടുത്തശേഷം നീര് അരിപ്പയിൽ എല്ലാ ഭാഗത്തും നന്നായി ഉരച്ചുകൊടുക്കുക. കറ കൂടുതലുള്ള ഭാഗത്ത് നീര് പിഴിഞ്ഞ് ഒഴിക്കാം. കുറച്ചുസമയത്തിനുശേഷം വെള്ളത്തിൽ കഴുകിയെടുക്കാം.