ടോയ്ലറ്റ് സീറ്റിനേക്കാൾ വൃത്തിഹീനമോ നമ്മുടെ ഫോണ്‍?

രാവിലെ എഴുന്നേറ്റത് മുതൽ രാത്രി ഉറങ്ങുന്നത് വരെ നമ്മുടെ കയ്യിൽ ഫോൺ ഉണ്ടാകും.

ദിവസവും എപ്പോഴും സ്പര്‍ശിക്കുന്ന വസ്തുവെന്ന നിലയില്‍ അതില്‍ എത്രത്തോളം അഴുക്ക് പറ്റിയിട്ടുണ്ടാവും എന്ന് നിങ്ങൾ ചിന്തിച്ച് നോക്കിയിട്ടുണ്ടോ?

ഒരു ടോയ്‌ലറ്റ് സീറ്റിനേക്കാള്‍ കൂടുതല്‍ ബാക്ടീരിയ നിങ്ങളുടെ സ്മാര്‍ട്‌ ഫോണിന് മേല്‍ ഉണ്ടാവുമെന്നാണ് റിപ്പോര്‍ട്ടുകള്‍ പറയുന്നത്.

ഇത്തരത്തിലുള്ള ഫോണുകളാണ് നമ്മൾ വൃത്തിയാക്കാൻ മറക്കുന്നതും. ഇവ എങ്ങനെ അണുവിമുക്തമാക്കാം എന്ന് നോക്കാം

ഫോണ്‍ ഓഫ് ചെയ്ത്, കേസ് അഴിച്ചുവെച്ചതിന് ശേഷം 70% ഐസോപ്രോപൈല്‍ ആല്‍ക്കഹോള്‍ വൈപ്പുകള്‍ ഉപയോഗിച്ചോ അല്ലെങ്കില്‍ ആല്‍ക്കഹോള്‍ സ്‌പ്രേ ചെയ്ത മൈക്രോഫൈബര്‍ തുണി ഉപയോഗിച്ചോ എല്ലാ ദിവസവും നിങ്ങളുടെ ഫോണ്‍ തുടയ്ക്കുക.

ഫോണിന്റെ കേയ്‌സും സമാനമായ രീതിയില്‍ വൃത്തിയാക്കാം. സിലിക്കണ്‍ കേയ്‌സുകള്‍ പോലുള്ള നനയ്ക്കാന്‍ പറ്റുന്ന കേയ്‌സ് ആണെങ്കില്‍ കഴുകി വൃത്തിയാക്കി ഉണക്കി ഉപയോഗിക്കാം. ലെതര്‍ കേയ്‌സുകള്‍ സാനിറ്റൈസര്‍ വൈപ്പുകളോ മറ്റ് ക്ലെന്‍സറോ ഉപയോഗിച്ച് വൃത്തിയാക്കാം.

ഫോണ്‍ ബാത്ത്‌റൂമില്‍ കൊണ്ടുപോകതെ ഇരിക്കുക. ബാത്ത്‌റൂമില്‍ നിന്നുള്ള ബാക്ടീരിയകള്‍ ഫോണില്‍ പകരാൻ ഇത് ഇടയാക്കും. ഈ ബാക്ടീരിയകൾ പിന്നീട് കൈകളിലേക്കും മുഖത്തേക്കും പടരും. ഇത് പല ആരോ​ഗ്യപ്രശ്നങ്ങൾക്കും കാരണമാകും.

ഫോണ്‍ ഉപയോഗിക്കുന്നതിന് മുമ്പും ശേഷവും കൈകള്‍ വൃത്തിയാക്കുന്നത് ശീലമാക്കാം. പ്രത്യേകിച്ചും ഭക്ഷണം കഴിക്കുന്നതിന് മുമ്പ്. കൈകള്‍ വൃത്തിയുള്ളതാണെങ്കില്‍ ഫോണും വൃത്തിയായിരിക്കും.