അടുക്കളയിൽ നിന്നും എലികളെ തുരത്താം

അടുക്കളകളില്‍ വിളിക്കാതെ വരുന്ന അതിഥികളാണ് എലികള്‍.

ഇവ കാരണം മാരകമായ രോഗങ്ങളും ഭക്ഷ്യവിഷബാധയുമെല്ലാം ഉണ്ടാകാം.

അതുകൊണ്ടുതന്നെ അടുക്കളയില്‍ എലികള്‍ വരാതെ സൂക്ഷിക്കേണ്ടത് വളരെ അത്യാവശ്യമാണ്.

ചില കാര്യങ്ങൾ ചെയ്താൽ നമുക്ക് എലികളെ തുരത്താം

അടുക്കളയിലെ ചുവരുകളിലും പൈപ്പുകൾക്ക് ചുറ്റും, വാതിലിനു താഴെയും വിള്ളലുകൾ, ദ്വാരങ്ങൾ, വിടവുകൾ എന്നിവ ഉണ്ടോ എന്ന് പരിശോധിച്ച് അവ അടയ്ക്കുക.വെറും ഒരിഞ്ചു വരുന്ന ചെറിയ ദ്വാരങ്ങളിലൂടെ പോലും കടക്കാന്‍ എലികള്‍ക്ക് കഴിയും.

തലേ ദിവസത്തെ ഭക്ഷണം അടുക്കളയില്‍ അലസമായി വെയ്ക്കാതിരിക്കുക. ഭക്ഷണ വസ്തുക്കള്‍ സൂക്ഷിക്കാന്‍ വായു കടക്കാത്ത പാത്രങ്ങള്‍ ഉപയോഗിക്കുക.

അടുക്കള കാബിനറ്റുകൾ, സ്റ്റോറേജ് ഏരിയകൾ എന്നിവ ക്രമീകരിച്ച് അധിക കാർഡ്ബോർഡ്, പേപ്പർ അല്ലെങ്കിൽ ബാഗുകൾ എന്നിവ ഒഴിവാക്കി വൃത്തിയായി സൂക്ഷിക്കാം.

എലിക്കെണികള്‍ വയ്ക്കുക.

അടുക്കളയിലെ ചവറ്റുകുട്ടകൾ അടച്ചു തന്നെ വയ്ക്കുക. അന്നന്നത്തെ മാലിന്യം അന്നന്ന് തന്നെ കളയുക എന്നതും പ്രധാനമാണ്.