അടുക്കളയിലെ മീൻ മണം ഇല്ലാതാക്കാം

മീൻ വൃത്തിയാക്കി കഴിഞ്ഞാൽ പിന്നെ അടുക്കളയിൽ മൊത്തം ഒരു ദുർ​ഗന്ധം ഉണ്ടാകാറില്ലേ.

എത്ര എയർ ഫ്രഷ്നർ ഉപയോ​ഗിച്ചാലും ആ മണം പോകാൻ വലിയ പാടാണ്.

മീൻ വൃത്തിയാക്കിയതിന് ശേഷം അടുക്കളയിൽ തങ്ങി നിൽക്കുന്ന ​ദുർ​ഗന്ധത്തെ ഇല്ലാതാക്കാൻ ഇത്രയും ചെയ്താൽ മതി.

മീൻ കഴുകിയതിന് ശേഷം ദുർ​ഗന്ധം ഉണ്ടായാൽ ​ഗ്രാമ്പു കറുവപ്പട്ട തുടങ്ങിയ സു​ഗന്ധവ്യഞ്ജനങ്ങൾ ഒരു പാത്രത്തിലാക്കി വെള്ളമൊഴിച്ച് തിളപ്പിച്ചാൽ ദുർ​ഗന്ധം മാറിക്കിട്ടും.

മീനിന്റെ മാലിന്യങ്ങൾ ഡ്രെയിനിൽ അടിഞ്ഞുകൂടിയാലും ദുർ​ഗന്ധം ഉണ്ടാവാം. കുറച്ച് ബേക്കിം​ഗ് സോഡ ഡ്രെയിനിലേക്ക് ഇട്ടതിന് ശേഷം വിനാ​ഗിരിയും ചൂടുവെള്ളവും ഒഴിക്കാം.ഇത് ദുർ​ഗന്ധത്തെ അകറ്റുന്നു.

ദുർ​ഗന്ധം വരുന്ന സ്ഥലങ്ങളിൽ കുറച്ച് ബേക്കിം​ഗ് സോഡ വിതറിയാൽ ദുർ​ഗന്ധത്തെ അകറ്റി നിർത്താം.

നാരങ്ങ ഉപയോ​ഗിച്ച് കിച്ചൻ സിങ്ക് നന്നായി ഉരച്ച് കഴുകാം. ഇത് മീനിന്റെ ദുർ​ഗന്ധത്തെ ഇല്ലാതാക്കാൻ സഹായിക്കുന്നു.

കാപ്പിപ്പൊടി അല്ലെങ്കിൽ ബേക്കിം​ഗ് സോഡ ഒരു പാത്രത്തിൽ എടുത്തതിന് ശേഷം അടുക്കളയിൽ തുറന്ന് വെച്ചാൽ ദുർ​ഗന്ധം മാറും.

മീൻ വൃത്തിയാക്കുമ്പോഴും പാചകം ചെയ്യുമ്പോഴും ജനാലകൾ എപ്പോഴും തുറന്നിടാൻ ശ്രദ്ധിക്കുക.ഇത് അടുക്കളയിൽ വായു തങ്ങി നിൽക്കുന്നതിനെ തടയുന്നു.