സാരി എന്നും പുത്തനായിരിക്കും, ഇങ്ങനെ സൂക്ഷിക്കാം

കാലങ്ങളോളം സാരിയുടെ കളർ പോകാതെയും മറ്റ് കേടുപാടുകൾ വരാതെയും സാരി സൂക്ഷിച്ചുവെയ്ക്കുന്ന കാര്യം അത്ര എളുപ്പമല്ല.

വളരെ സൂക്ഷിച്ച് കൈകാര്യം ചെയ്യേണ്ട ഒന്നാണ് സാരികൾ.

സാരികൾ കേടുവരാതെ സൂക്ഷിക്കാനുള്ള ചില മാർ​​ഗ്​ഗങ്ങൾ നോക്കാം

കല്ലുകളും മുത്തുകളും പതിപ്പിച്ച സാരികൾ പ്രത്യേകമായി തന്നെ സൂക്ഷിക്കണം. ഇല്ലെങ്കിൽ കല്ലുകളും മുത്തുകൾക്കും കേടുപാടുകൾ സംഭവിക്കുന്നതാണ്. ഇത്തരം സാരികൾ പ്രത്യേകം ബാ​ഗിൽ സൂക്ഷിച്ച് വെയ്ക്കാവുന്നതാണ്.

സാരിയിൽ കറപറ്റിയാൽ എത്രയും പെട്ടന്ന് ഡ്രൈക്ലീനിങ്ങിനോ അല്ലെങ്കിൽ കറപറ്റിയ ഭാ​ഗം മാത്രം കഴുകിയോ അവ നീക്കി കളയേണ്ടതാണ്.

കുറഞ്ഞ ചൂടിൽ മാത്രമേ സാരികൾ അയേൺ ചെയ്യാൻ പാടുകയുള്ളൂ. കൂടുതൽ ചൂടിൽ അയേൺ ചെയ്യുന്നത് സാരിയുടെ ഫാബ്രിക്കിന്റെ ഭം​ഗി നഷ്ടപ്പെടുത്തും.

അലമാരയിലും പെട്ടികളിലും മടക്കി വെച്ചിരിക്കുന്ന സാരികൾ ഇടയ്ക്കിടയ്ക്ക് നിവർത്താൻ ശ്രമിക്കേണ്ടതുണ്ട്. ഒരേ മടക്കുകൾ മാറ്റുന്നതും നല്ലതാണ്.

ഓരോ സാരിയും കഴുകേണ്ട വിധം വത്യസ്തമാണ്. ഇതനുസരിച്ച് മാത്രം അവ കഴുകി എടുത്ത് വെയ്ക്കുക.

ഒരോ ഉപയോ​ഗത്തിന് ശേഷവും സാരികൾ കഴുകേണ്ട ആവശ്യം ഇല്ല. അതിന് പകരം നല്ല വെയിലത്ത് കുറച്ച് നേരം സാരി ഇട്ട് ചൂട് കൊള്ളിച്ചാൽ മാത്രം മതി.