പച്ചമുളക് കൂടുതൽ കാലം ഫ്രഷായി സൂക്ഷിക്കാം

പാചകത്തിൽ ഒഴിച്ച് കൂടാനാവാത്ത ഒരു പച്ചക്കറിയാണ് പച്ചമുളക് .

എന്നാൽ പച്ചമുളക് കുറച്ച് കൂടുതൽ വാങ്ങിയാൽ പെട്ടെന്ന് കേടായി പോകും.

പച്ചമുളക് വാങ്ങുമ്പോൾ തന്നെ ഈ രീതിയിൽ സൂക്ഷിച്ചാൽ പച്ചമുളക് കേട് കൂടാതിരിക്കും.

പച്ചമുളക് വാങ്ങിയ ഉടൻ തന്നെ വെള്ളത്തിൽ നന്നായി കഴുകി,വൃത്തിയുള്ള തുണിയിൽ നിരത്തി ഉണക്കുക. ഈർപ്പമുണ്ടെങ്കിൽ അത് വേ​ഗം കേടാകും

പച്ചമുളകിന്റെ ഞെട്ട് നീക്കം ചെയ്യുന്നത് കൂടുതൽ കാലം കേടാകാതിരിക്കാൻ സഹായിക്കും.

പച്ചമുളക് വായു കടക്കാത്ത പാത്രത്തിൽ വെയ്ക്കുന്നതിന് മുമ്പ് അതിൽ ഒരു ടിഷ്യൂ പേപ്പർ വെയ്ക്കൂ.

പച്ചമുളക് പ്ലാസ്റ്റിക് പാത്രത്തിൽ സൂക്ഷിക്കുന്നതിന് പകരം ​ഗ്ലാസ് പാത്രത്തിൽ സൂക്ഷിക്കുക. ഇത് കൂടുതൽ കാലം ഫ്രഷായിരിക്കാൻ സഹായിക്കും.

പച്ചമുളക് അടങ്ങിയ പാത്രം ഫ്രഡ്ജിന്റെ അടിയിലുള്ള പച്ചക്കറി ഡ്രോയറിൽ വെയ്ക്കുക. കാരണം അവിടെ താപനില സ്ഥിരവും തണുപ്പുള്ളതുമായിരിക്കും.

ചിലർ പച്ചമുളക് കടുകെണ്ണയിൽ മുക്കി സൂക്ഷിക്കാറുണ്ട്. ഇങ്ങനെ ചെയ്താൽ കേടാകില്ല.