ബുൾസൈ ഇനി പെർഫക്റ്റാകും , മഞ്ഞക്കരു പൊട്ടില്ല

പലർക്കും ബുൾസൈ ഉണ്ടാക്കുമ്പോൾ നേരിടുന്ന വലിയ പ്രശ്നമാണ് മഞ്ഞക്കരു പൊട്ടുന്നത്.

വളരെ ലളിതമായ ചില ട്രിക്കുകൾ ഉപയോ​ഗിച്ച് മഞ്ഞക്കരു പൊട്ടാതെ ബുൾസൈ ഉണ്ടാക്കാം.

ആദ്യം തന്നെ മുട്ട നേരിട്ട് പാനിലേക്ക് പൊട്ടിക്കുന്നത് ഒഴിവാക്കുക. പകരം ചെറിയ കപ്പിലോ ബൗളിലോ മുട്ട പൊട്ടിച്ച് നോക്കുക.

ഇങ്ങനെ ചെയ്യുന്നത് മഞ്ഞക്കരു പൊട്ടിയതാണോ അല്ലയേ എന്ന് ഉറപ്പാക്കുന്നതിന് നിങ്ങളെ സഹായിക്കും.കൂടാതെ പാനിലേക്ക് മുട്ട സാവധാനമായി ഒഴിക്കാനും സാധിക്കും.

മുട്ട പാനിലേക്ക് പൊട്ടിച്ച് ഒഴിക്കുമ്പോൾ വളരെ സാവധാനമായി താഴ്ന്ന ഉയരത്തിൽ നിന്ന് ഒഴിക്കുക. ഉയരത്തിൽ നിന്ന് ഒഴിക്കുമ്പോൾ മഞ്ഞക്കരുവിന് സമ്മർദ്ദം കൂടുകയും അത് പൊട്ടാൻ ഇടയാകുകയും ചെയ്യും.

ഉപ്പും മുള‌കും ചേർക്കുമ്പോഴും ശ്രദ്ധ വേണം. നേരിട്ട് മഞ്ഞക്കരുവിന് മുകളിൽ ചേർക്കാതെ വെള്ള ഭാ​ഗത്തേക്ക് ചേർക്കുന്നതാണ് നല്ലത്. ഇത് മഞ്ഞക്കരുവിന്റെ ഘടന തകരാതെ സൂക്ഷിക്കാൻ സഹായിക്കും.

പാൻ ചൂടാകുന്നത് വളരെ പ്രധാനമാണ്. ചെറിയ ചൂടിൽ പാൻ ചൂടാക്കി എണ്ണയോ ബട്ടറോ പുരട്ടിക്കൊടുക്കാവുന്നതാണ്.

പാൻ അധികം ചൂടായാൽ മുട്ട വീണ ഉടനെ മഞ്ഞക്കരു പൊട്ടാൻ സാധ്യത കൂടുതലാണ്.

പാൻ മൂടിവെച്ച് 1-2 മിനിറ്റ് പാചകം ചെയ്താൽ മുകളിലൂടെ വേവുകയും മഞ്ഞക്കരു നന്നായി സജ്ജമാകുകയും ചെയ്യും.