പ്രമേഹത്തിന് ബെസ്റ്റാണ് ഈ പാവയ്ക്ക ചായ‌‌

ഗോഹ്യാ ചായ എന്ന് അറിയപ്പെടുന്ന പാവയ്ക്ക ചായയ്ക്ക് നിരവധി ആരോഗ്യഗുണങ്ങളുണ്ട്.

പാവയ്ക്ക ചായ പ്രമേഹരോ​ഗികൾക്ക് നല്ലതാണ്.

ഈ ചായ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും പ്രമേഹം ക്രമീകരിക്കുന്നതിനും സഹായിക്കുന്നു.

പാവയ്ക്കയുടെ ആന്റി-ഇൻഫ്ലമേറ്ററി ഗുണങ്ങൾ രക്തത്തിലെ ചീത്ത കോളസ്ട്രോൾ കുറയ്ക്കാനും ​ഹൃദയാരോ​ഗ്യം മെച്ചപ്പെടുത്താനും സഹായിക്കും.

പാവയ്ക്ക ചായ ഉണ്ടാക്കുന്നത് എങ്ങനെയെന്ന് നോക്കാം‌‌‌

ആവശ്യമായ ചേരുവകൾ

പാവയ്ക്ക് ചെറിയ കഷ്ണങ്ങളാക്കിയത്(ഉണങ്ങിയതോ വാട്ടിയതോ)

വെള്ളം

തേൻ (ആവശ്യമെങ്കിൽ)

ആദ്യം ഒരു പാത്രത്തിൽ കുറച്ച് വെള്ളമെടുത്ത് തിളപ്പിക്കുക

തിളച്ച വെള്ളത്തിലേക്ക് പാവയ്ക്ക കഷ്ണങ്ങൾ ഇടുക. മീഡിയം ഫ്ലെയിമിൽ ഒരു 10 മിനുട്ട് വെള്ളം തിളയ്ക്കാൻ അനുവദിക്കുക.

വെള്ളത്തിൽ പാവയ്ക്കയിലെ പോഷകങ്ങൾ ചേരാൻവേണ്ടിയാണ് ഇങ്ങനെ ചെയ്യുന്നത്.‌

തിളച്ച പാവയ്ക്ക വെള്ളം അ‌ടുപ്പിൽ നിന്നും മാറ്റിവെയ്ക്കുക.

വെള്ളം അരിച്ചെടുത്ത് പാത്രത്തിലോ കപ്പിലോ ഒഴിച്ചുവയ്ക്കുക.

ആവശ്യത്തിനനുസരിച്ച് തേൻ ഒഴിച്ച് ഈ പാവയ്ക്ക ചായ കുടിക്കാം.