ഇഞ്ചി വെളുത്തുള്ളി പേസ്റ്റ് ഇങ്ങനെ ഉണ്ടാക്കി നോക്കൂ, ഒരു വർഷം വരെ കേടാകില്ല

വെജിറ്റേറിയനായാലും നോൺവെജിറ്റേറിയനായാലും വെളുത്തുള്ളിയുടെയും ഇഞ്ചിയുടെയും കൂട്ടുകെട്ടില്ലാതെ പാചകം പറ്റില്ല.

പെട്ടെന്ന് ഇഞ്ചിയും വെളുത്തുള്ളിയും വൃത്തിയാക്കി എടുക്കുക ഇത്തിരി ബുദ്ധിമുട്ടുള്ള പണിയാണ്.

ഇഞ്ചിയും വെളുത്തുള്ളിയുടെയും പേസ്റ്റ് വിപണിയിൽ സുലഭമാണെങ്കിലും തനിനാടൻ കൂട്ടിന്റെ രുചി മാർക്കറ്റുകളിൽ നിന്ന് വാങ്ങുന്ന ജിഞ്ചർ ഗാർലിക് പേസ്റ്റിനുണ്ടാകണമെന്നില്ല.

വീട്ടിൽ തന്നെ വളരെ എളുപ്പത്തിൽ ഒരു വർഷം വരെ കേടാകാതെ ഇരിക്കുന്ന ഇഞ്ചി വെളുത്തുള്ളി പേസ്റ്റ് തയാറാക്കുന്നത് എങ്ങനെയന്ന് നോക്കാം.

ചേരുവകൾ

∙ഇഞ്ചി - 200 ഗ്രാം

∙വെളുത്തുള്ളി - 300 ഗ്രാം

∙സൺഫ്ലവർ ഓയിൽ / ഒലിവ് ഓയിൽ - 1/2 കപ്പ്

തയ്യാറാക്കുന്ന വിധം

ഇഞ്ചിയും വെളുത്തുള്ളിയും തൊലി കളഞ്ഞ്, ഇഞ്ചി ചെറിയ കഷ്ണങ്ങളാക്കി മുറിക്കുക.

ആദ്യം മിക്സിയൽ ഇഞ്ചി ഇട്ടു ചതച്ചെടുക്കുക. അതിലേക്ക് വെളുത്തുള്ളി ചേർത്ത് ഒന്നുടെ ചതച്ചെടുക്കാം. ശേഷം ഓയിൽ ചേർത്ത് നന്നായി അരച്ചെടുക്കുക.

ഈ മിശ്രിതം സ്പൂൺ ഉപയോഗിച്ച് നന്നായി യോജിപ്പിച്ച് എടുത്ത് ഒരു ഐസ് ട്രേയിൽ വച്ച് ഫ്രീസ് ചെയ്തോ അല്ലെങ്കിൽ കണ്ടെയ്നറിൽ നിറച്ച് ഫ്രിജിൽ സൂക്ഷിക്കുകയും ചെയ്യാം.

ഫ്രീസ് ചെയ്തത് 6 മാസം മുതൽ ഒരു വർഷം വരെയും ഫ്രിജിൽ വയ്ക്കുന്നത് 1 മാസം വരെയും കേടാകാതെ ഇരിക്കും.