അരിയും ഉഴുന്നും അരയ്ക്കാതെ നല്ല ക്രിസ്പി ദോശയുണ്ടാക്കാം

നല്ല മൊരിഞ്ഞ ദോശ , ചട്നിയും സാമ്പാറും ചമ്മന്തിയും കൂട്ടി കഴിക്കാൻ ഇഷ്ടമില്ലത്തവരായി ആരും ഉണ്ടാകില്ല.

ദോശ കഴിക്കാൻ ഇഷ്ടപ്പെടുന്നത് പോലെ ദോശമാവ് ഉണ്ടാക്കാൻ ആർക്കും അത്ര ഇഷ്ടമുണ്ടാകില്ല.

അരിയും ഉഴുന്നും എല്ലാം വെള്ളത്തിൽ കുതിർക്കാൻ വെയ്ക്കണം,അതെടുത്ത് വൃത്തിയാക്കി അരയ്ക്കണം,ഇതെല്ലാം ആലോചിക്കുമ്പോഴേ ദോശ വേണ്ട എന്നല്ലേ നമ്മളുടെ ചിന്തയിൽ വരുന്നത്.

എന്നാൽ ഈ ടാസ്ക്കുകൾ ഒന്നും ഇല്ലാതെ നല്ല ക്രിസ്പിയായ ദോശ ഉണ്ടാക്കാൻ പറ്റും. അതും നിമിഷ നേരം കൊണ്ട്.

ചേരുവകൾ

അരിപ്പൊടി - 2 കപ്പ്

​ഗോതമ്പ് പൊടി - കാൽ കപ്പ്

തൈര് - കാൽ കപ്പ്

ഉരുളക്കിഴങ്ങ് - 1

ഉപ്പും,വെള്ളവും ആവശ്യത്തിന്

തയ്യാറാക്കുന്ന വിധം

മിക്സിയുടെ ജാറിലേക്ക് അരിപ്പൊടിയും,ഗോതമ്പ് പൊടിയും,തൈരും, ഉരുളക്കിഴങ്ങും ആവശ്യത്തിന് ഉപ്പ് വെള്ളവും ചേർത്ത് നന്നായി അരച്ചെടുക്കുക.

അരച്ചെടുത്ത മാവ് ഒരു പാത്രത്തിലേക്ക് മാറ്റുക.

ആ മാവിലേക്ക് ഒരു നുള്ള് ബേക്കിങ് സോഡയും ചേർത്ത് നന്നായി യോജിപ്പിക്കുക.

ഈ മാവിൽ അപ്പോൾ തന്നെ നമുക്ക് നല്ല മൊരിഞ്ഞ ദോശ ചുട്ടെടുക്കാം.