നെയ്യിട്ട ഹെൽത്തി കാപ്പി കുടിച്ചാലോ?

ഫിറ്റ്‌നസ് പ്രേമികള്‍ക്കിടയില്‍ വളരെയധികം ഹിറ്റായി മാറിക്കൊണ്ടിരിക്കുന്ന ഒരു പാനീയമാണ് നെയ്യിട്ട കാപ്പി അഥവ ബുള്ളറ്റ് പ്രൂഫ് കോഫി.

സോഷ്യല്‍ മീഡിയയില്‍ ഒന്നാകെ സെലിബ്രിറ്റികളും ഇന്‍ഫ്ലുവന്‍സര്‍മാരുമെല്ലാം ഈ കാപ്പിയെ കുറിച്ച് സംസാരിക്കുന്നത് സ്ഥിരം കാണുന്ന കാഴ്ചയാണ്.

ആരോ​ഗ്യപരമായി ​ഗുണങ്ങൾ ധാരാളം ഉള്ളത് കൊണ്ടാണ് ബുള്ളറ്റ് പ്രൂഫ് കോഫി ഫിറ്റ്‌നസ് പ്രേമികള്‍ക്കിടയില്‍ വളരെയധികം ഹിറ്റായി മാറിയത്.

ബുള്ളറ്റ് പ്രൂഫ് കോഫി ഉണ്ടാക്കുന്ന വിധം നോക്കാം

ചേരുവകൾ

ഒരു കപ്പ് വെള്ളം

1-2 ടീസ്പ്പൂൺ നെയ്യ്/ ഉപ്പില്ലാത്ത വെണ്ണ

അര ടീസ്പ്പൂൺ ഇൻസ്റ്റൻഡ് കോഫി പൗഡർ

ഉണ്ടാക്കുന്ന വിധം

ഒരു സോസ്പാൻ എടുത്ത് ഒരു കപ്പ് വെള്ളം ഒഴിച്ച് നന്നായി തിളപ്പിക്കുക.

ഒരു സ്റ്റീൽ പാത്രമെടുത്ത് അതിലേക്ക് നെയ്യ്/വെണ്ണ, ഇൻസ്റ്റൻഡ് കോഫി പൗഡർ എന്നിവ ഇടുക.

ഇതിലേക്ക് തിളച്ച വെള്ളം ഒഴിക്കുക.

ഒരു ബ്ലെൻഡർ ഉപയോ​ഗിച്ച് നല്ലത്പോലെ ബ്ലെൻഡ് ചെയ്യുക.

നല്ല ക്രീമിയായിട്ടുള്ള ഹെൽത്തി ബുള്ളറ്റ് പ്രൂഫ് കോഫി തയ്യാർ