ഇത് സാധാരണ ലഡ്ഡുവല്ല; ഹെൽത്തി പവർ ലഡ്ഡു

വളരെ ഹെൽത്തിയായിട്ടുള്ള ഒരു ഭക്ഷണമാണ് റാ​ഗി.

കുറുക്കായും ഇഡ്ഡലിയായും, അടയായുമെല്ലാം റാ​ഗി നമ്മളെല്ലാവരും കഴിക്കാറുണ്ട്.

കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഹെൽത്തി റാ​ഗി ലഡ്ഡു ഉണ്ടാക്കിയാലോ

വേണ്ട ചേരുവകൾ

റാ​ഗി 1 കപ്പ് ( നന്നായി പൊടിച്ചത്)

ശർക്കര 1 കപ്പ്

നെയ്യ് കാൽ കപ്പ്

നട്സ് കാൽ കപ്പ് ( പൊടിച്ചത്)

ഏലയ്ക്ക പൊടിച്ചത് 2 സ്പൂൺ‌

തയ്യാറാക്കുന്ന വിധം

ആദ്യം പൊടിച്ച് വച്ചിരിക്കുന്ന ശർക്കര പാനിൽ നന്നായി ചൂടാക്കി ലൂസാക്കി എടുക്കുക.

ശർക്കര പാനീയും റാ​ഗി പൊടിയും ചേർത്ത് മിക്സ് ചെയ്തെടുക്കുക.

ഒരു പാനിൽ നെയ്യ് ഒഴിച്ച് നട്സ്, ഏലയ്ക്ക എന്നിവ ചേർത്ത് യോജിപ്പിച്ചെടുക്കുക. ശേഷം ഇത് റാ​ഗി മാവിലേക്ക് ഇടുക.

ചെറിയ ഉരുളകളാക്കി എടുത്താൽ റാ​ഗി ലഡ്ഡു തയ്യാറായി.