കോഫിയിലും കൊറിയൻ ബെസ്റ്റാണ്; ബനാനാ കോഫി ഉണ്ടാക്കാം

ഈ അടുത്തിടെയായി സോഷ്യല്‍മീഡിയ ഹിറ്റാക്കിയ കൊറിയൻ ഐറ്റമാണ് ബനാന കോഫി

സോഷ്യല്‍മീഡിയയില്‍ ഈ ഐറ്റം ഇപ്പോഴാണ് ഹിറ്റാകുന്നത് എങ്കിലും ദക്ഷിണ കൊറിയയില്‍ 1970 മുതല്‍ താരമാണ്

രുചിയുള്ള കോഫി എന്നതിലുപരിയായി വളരെയധികം പോഷകങ്ങൾ നിറഞ്ഞ പാനീയമായതിനാലാണ് ഇത് ആളുകൾ ഏറ്റെടുത്തത്.

യുദ്ധ സമയത്ത് ദക്ഷിണ കൊറിയന്‍ സൈനികരുടെ പ്രധാന പാനീയമായിരുന്നു ഇതെന്നും പറയപ്പെടുന്നു.

ബനാനാ കോഫി എങ്ങനെ തയ്യാറാക്കാം

ചേരുവകള്‍

ഇന്‍സ്റ്റഡ് കോഫി പൗഡര്‍- 2 ടേബിള്‍സ്പൂണ്‍

ബനാന മില്‍ക്-12 ഔണ്‍സ്

ഐസ് ക്യൂബ്സ്- ഒരുപിടി

വെള്ളം- ആവശ്യത്തിന്

ഒരു ജാറില്‍ രണ്ട് ടേബിള്‍സ്പൂണ്‍ ഇന്‍സ്റ്റഡ് കോഫി പൗഡറും അല്‍പം ചൂടുവെള്ളവും ചേര്‍ത്ത് നന്നായി യോജിപ്പിച്ചെടുക്കുക.

ഇതിലേക്ക് ഒരു പിടി ഐസ് ക്യൂബ് ചേര്‍ക്കാം. അതിന് ശേഷം 10-12 ഔണ്‍സ് ബനാനാ മില്‍ക്ക് ചേര്‍ക്കാം.

ശേഷം ജാര്‍ അടച്ചു നല്ലതുപോലെ കുലുക്കി ചേരുവകളെല്ലാം ഒന്നു കൂടി യോജിപ്പിച്ചെടുക്കാം. ഇത് പാനീയത്തിന് ഒരു ക്രീമി ഘടന നല്‍കാന്‍ സഹായിക്കും

ബനാനാ മില്‍ക്കിന് മധുരം ഉള്ളതിനാല്‍ പഞ്ചസാര ചേര്‍ക്കണമെന്നില്ല. രുചികരമായ ബനാനാ കോഫി തയ്യാര്‍.